Тиикэрэп анҥамта долган букварбан ньөөврэ

Россия Иҥэньгидэлэн культура,һупкучин сфералан эгдьэн укчэнэк һиэдни: тиикэрэп һупкучинду элэкэн буквару долган төөрэндьин ньөөврэ, мэдукэнни Таймырла биси ҥунмирды творчество Дьуун. Һупкучилдывум ооча Анна Алексеевна Барболина.

Тарак һупкучилдывун презентацияван оритан Ҥунмирэл ээлгэлитэн балданҥа төөрэр миан анҥанитан ньан дьулгирэптукун ииндьиддил адыкун таҥулкасал ҥунмирэл Ассоциациятан 35 анҥаниҥан далабгириватан дээпки.

Эртэки эмритэн культурали, һупкучиндули гургэвчирил, Таймыр райондулан ииндиддил,тала гургэвчирил ҥуунэмэчимҥэлтэн-дэ. Һоч һөксич ноҥартан мероприятиела эмчэлбу эскэр, һоокамкатта. Издательство мэдукэтти методическай центран директорбан гиаври С.Н. Жовницкая укчэннэн һупкучилдывун ичин бадалкаман, Һупкучимҥэ-дэмэр А.В.Федина илкэнни һупкучилдывун куҥалбу дьулэски ҥэнукэнидутэн, һупкуттидутэн айбан.

Букварь ньөөдэҥэн долган төөрэмэн һуулбимэкэнидутэн,иимкэнидутэн ай биннэвэн, эрэли бисил бэил культуравур,балданҥа төөрэмур аавдаттиватан ичукэнни,тадук һөнтэн һупкучэкэл ноҥарбутан төруттэвур итакчиривутан-да.

Дукран Андо Соктоев, тулматтан Зоя Степанова

Фотон Таймыр ҥунмирды творчествон Дьуҥин