Тулмачимҥа Исаков

26.12.2024

Анҥамта укчэнэкэл

Тулмачимҥа Исаков

108

Ойчири миир 25 инэҥидун Ньока төөрэҥэн национальнайды библиотекадун дьөөр мероприятиел иэлтэнэ, балданҥа төөрэм иимкэндэвур мандуттил. Титэрэпу дьаватти музейлан һааври тулмачимҥа Дмитрий Петров учёнаилньун, общественникалньун-да бакалдаматтан, Бугур дьулэпбэн дьаватти музейла-дэмэр Байкалла дьулэптукун муралкасал бичэл эвэнкил-мурченал эпосутан “Субэдэҥиинэ уонна Арсалаан Бакшила” ньокадила тулматтаҥутан презентациян бисин, ньимкамҥа Валентин Гаврильевич Исаков оодаҥдьин.

Иоган Георги Поволжьели, Уралли, Тикуптэтки Сибирьли, Алтайли-да һөллөчиддин, тарит 1776-1780 анҥанилду ньөврин “Описание всех народов Российского государства” гэрбэв гургэи.

Иоганн Готлиб Георги описал и сам рисовал представителей встретившихся ему народов

Экспедицияли һөллөчидникэн ноҥан дукрин “Властелин гор Долодой” гэрбэ эвэнкил-эпосатан һааван.

Тарав Валентин Исаков ньокадила тулматтаҥи обществотки ичукэнин. КМНС-эл Ассоциациятан вице-президенни Вячеслав Шадрин эпос тулмачипчан ньөдэҥмэн анҥани логическай мудандьин илкэнни, эвэнки тематикадьин ньөөридьи эҥэйэ анҥанич-та Васильевич, Васильева-да гургэлбэн дьоникан.

Ведущая мероприятия Анастасия Куличкина на торжественном открытии мероприятия поблагодарила коллектив Национальной библиотеки за плодотворное сотрудничество с народами Севера

Валетнина Исакова поздравил песней фольклорный коллектив «Хэглэн»

Арктика дьулэски ҥэннин министрбэн гиаври Михаил Погодаев һамудаарин Валентин Исаков Ньока төөрэҥэн ҥунмирэлни культуравутан имкэндьиддит, тарит ноҥандун дьавуканин “За вклад в развитие Арктики” илкэм.

Учёнаил Мария Дьяконова, Александр Варламов-та эрэв анҥану ньөвэпчэл книгал дьугулитэн, дьулэски-дэ ньока этнографални гургэлбутэн ньучидила тулмачибдатан эйэттивур гөөнэ тачин таҥни бэилбу һойалтабдьиҥаван-да.