Ньока төөрэҥэн бэгэнни гөөнин унири-логистическай централтаки, тар ньөвчэҥур анҥамта дьэбгэлдэлбу амаски Арктикатки ҥэнудэтэн 2025 анҥаниду Якутскайла ааҥабдьин Арктика унири -логистическай компаниян цехан тар улрэдук, төвтэлдук, һиэрилдук концервалбу ньөөври. Тарав оодавур сырьёв Арктика райолдукун гадьир,мэдьур мэнкэн мокиҥала һиэрилбу бэил умивдаҥур тала дьавукандатан ньан гөндьир.
Айсен Николаев киҥкич илкэнни ТЦЛ-эл аит гургэвчидэтэн тали.
Тиикэрэпту АО „АТЛК“ илуваддан улрэдук, овощилдук,мэндьур мокиҥала һиэрилдук дьэбгэлдэлбу оодавур. Тарак иландула дэлкэпчэ бидьин анҥамта продукталбу ньөвдэвур.
Цехалдула бидьин продукталбу ньөвдэтэн улрэв,төвтэв,һерилбу итагдатан,чакалтиҥалбу-да итагчидатан.
Эрэв анҥану укал бэилдук һиэрилбу умивдаҥутан дьавадда.2025 анҥанидуТЛЦ-эл 13 Арктика улусалдулан бидьир,тачин Ньока төөрэҥэн бэгэнни ньуннин„О Стратегии социально-экономического развития Арктической зоны Республики Саха(Якутия) на период до 2035 года“ гэрбэлкэндулэ ньунчэлэи,ньан тарав Горими Һиэпту,Россия Арктикан Министерстволньунни уйулдувкэнин.
Фотов бөөрин Арктикав дьулэски ҥэнури, Республика Иҥэньгидэ буган ҥунмирэлбэн ҥунэмэтти-дэ Министерствон.
Материалу Улус Медиадук гаридьи
Тулматтан ЗояСтепанова
