Дьулгирэптукун төөрэҥнэвур индьиддил ҥунмирэл бэрибэдди төөрэрдулитэн һупкучилдывурбу Россияла эрэв анҥану оодавур ньэкрэ.

Якутскайла РФ ҥунмирэлни төөрэмутэн муитти Институт филиаллан оодир һупкучилдывурбу тофоларал,,челканал,эвэнкил ньан нанайал төөрэрдулитэн.

Филиал директоран Наталья Ситникова укчэннидьин укал бөөбчэл бис көчукэн куҥал һупкучэклэтэн тофолар,че лкал,эвэнкил төөрэрдулитэн һупкучилдывурбу ньөвдэтэн,тарбач ньан нанай төөрэндьин.

2024 анҥаниду институт гургэвчимҥэлни пособиев ньөөвритэн нулгэвэчидди куҥал ач ҥэлнэ бинидутэн бэллив ньан программав тар нулгэвэттил куҥалду.Тарав укал иарутитан Амур областилан,Ненцалҥила,Ханты-Мансийскайла,Чукоткала,Ямало-Ненецкэй
бугалдула ньан Ньока төөрэҥнэн.

Тофаларал-эрэк тюрк ҥунмирэлни Иркутск буглан ииндьиддил.Таҥуктан 700-ньун таралдук 92 бэил мэнҥидьур
төөрэрил.

Челканал-ньан Алтайла бисил тюркал.Таҥунтан 1300 бэй,,дукунтан ачча.Иами тачин?Төөрэндулэтэн бис алтайал төөрэндулэтэн аччал иигэл.Теми ноҥардулатан һупкучилдывунтэн, книгаҥалтан ачча.

Россияла нанайцал таҥунтан 11600 бэй,тарал һойадмаралтан ньучидич төөрэр .1500- ньун бэй мэнҥидьур төөрэрил.

Эвэнкил төөрэнтэн, таралньун тэрэмкэми, аидмарач ииндьиддэн.
2021 анҥаниду бичэ переписьту Россияла индьиддэ 40 тысяча таҥулкан эвэнкил,тар биникэн муичэмҥэл гөөнэ,тарал доодукутан 8 проценниньун төөрэрил.

Тулматтан Зоя Степанова