Эксперал Өймөкөн райоман РФ Арктикалан иивдэтэн төөрэмур гөөнэ

Эксперал Өймөкөн райоман РФ Арктикалан иивдэтэн төөрэмур гөөнэ

Өймөкөн районни-Төөр иҥэньгидэгидэлэн Һиалта Полюсчин таҥуттан.
Тартаки туриһал һөллөттэ, һиалта иррөчин бисивэн мэндьур мэддэвур.

Елена Голомарёва,Арктка бинилин Парламенни ҥунэмэчимҥэн гөнни, район Арктика төөрэҥэн һаанидьин ооракан,эрэк бэлдьин район дьулэски ҥэннидун,ТААС тачин укчэннэн.
Һойач туриһал һөллөтэтэн,туристли, транспортли инфраструктуралитан һойав тамам нээми ай. Тарбач тала аэропорту ооми ньан.Ньока төөрэҥэн экспертални эстэн унур ,оон тар һааннатан район арктикаҥи бисивэн.Район Арктика экономикадун бэлэннэн,арктика төөрбэн муичэннэн.

Өтэл ачча бисин„Арктическая зона“гэрбэ.Һаан учёнаил гөөнэ, таралбу райолбу һотаникан Арктикаҥич таҥуттивутан.Магадан буган,Ханты-Манси -да округан гасчир, регион районални Арктическай зона һаанидьин оодатан.Правитедльство тарав дьокракан,Өймөкөн районни арктическай ооридун ургэ этэн бис.

Андо Соктоев дукран,Зоя Степанова тулматтам.

Фото Тайгапост