Өмэтту гургэвчичэву педагог кэриэстун
ИЛКЭН. Һэргэҕ Кулума районни Андрюшкино билэклэн һэйэ 21 инэҥидун С.Н.Курилов гэрбэдьин дьоҥчидьак дьуудун Полина Гавриловна-педагог, юкагир ҥунмирэҥэн культураван һаари, эвэди-юкагирды «Ҥэривдэн» (Заря) ансамбльу тэгучэ.
Өмэтту гургэвчичэву бакучан 80 анҥанидун аньипти һисэчин бисин. Һисэчим ааҥарин дьоҥчидьак дьуун һунҥин Алиса Чернякова. Ҥэнумҥэ Александра Никанорова эскэн төөрэлкэн Полина Гавриловна һаанилбан, һааракалбан, өмэтту гургэвчичэлбэн бакалдарин. Һисэчимур Полина Гавриловна кэриэстун , тивнэч илатникан ааҥаритан. Дьоҥчидьак дьуун, билэк библиотекан гургэвчимҥэлни Полина Гавриловна гургэлий этчэлбэн, грамоталбан, дьооданалбан ичукэтти фотостендав итаҕритан. Өмэтту гургэвчичэлни ноҥан гургэли этчэлбэн дьоонитан. Д.М.Неустроева дьооҥчидьак дьуудун бөөрин Полина Гавриловна значокалбан, М.А.Яковлева, ньан М.И.Вырдылина ноҥан дьугулин укчэнитэн.
Өмэтту һупкуччэлни, кэкэлни, «Ҥэривдэн» ансамбль бэиҥэлни укчэннитэн культурала яв иивдэҥмэн, творчествон-да дьугулин.
Эрэк амардадукун анҥамта книга презентациян бисин «21 век: Ньока төөрэҥэн культурнай дулаканни энциклопедиян» гэрбэлкэн. Книга аанипча бисин Олёринскай клубту һөнтэки анҥанилду культураду гургэвчичэлду. Ҥунэмэтти чэлэткитэн тэкэм исурин аит дьоҥчиридьитан коллегавур, тарит һисэчим нипкэрин фотола тикникэсэл, төйникэн-дэ элэ чакучалбу. Ноҥан ньан мероприятиев оочалду, өмэтту гургэвчирилди тэкэм исурин.
Дукран Александра Никанорова общ. корреспондент,
Андрюшкино билээкэн
Тулматтан Зоя Степанова
Фото: Елена Винокурова
Материалы по теме:
Она была первопроходцем во всем
