Ньока төөрэҥэн Ассамблеялан анҥамта ҥуунэмэчимҥэ

ИЛКЭН. Һэйэ биаҕан 28 инэҥидун өмэтту эгдьэн чакабак бутун россияды общественно-государственнайды организацияҥи «Россия ҥунмирэлни Ассамблеятан» гэрбэлкэн Ньока төөрэҥнэн бисин. Эррөчин чакабак һамилик форматач ҥэннин: һаатан онлайн-режимни ньэктэҥмэтэн укчэннэн А.Е.Кулаковскай гэрбэдьин ҥунмирэл Аймулдадьак дьуутан пресс-службан.

Александр Подголов илуматтин Ньока төөрэҥнэн ҥунмирэлни Ассамблеятан тикэрэп ҥуунэмэчимҥэн Ньока төөрэҥэн Республикан ҥунмирды депутатан ньан Государственнайды Чакабакан (Ил Тумэн) Афанасий Семёнович Владимирову кандидатач ньан анҥамта нуунэмэчимҥэч регион һаанин бутун российскайды общественнай государственнай организациян «Россия ҥунмирэлни Ассамблеятан» нунэмэчимҥэдьин бидэн.

Афанссий Семёнович укчэннин государственнайды службаду ньан общественайды проекалбу төрутникэн гургэвчидэҥи опытаҥи дьугулин. Тачин-ту ньан чакучал улгимирдутэн баргуттин, регион Ассамблеян гургэн приоритетнай ҥэнукэнмэилбэн ньуннин. Тачин Афанасий Семёновичу өмэн һэлки дылгандьур регион Ассамблеян ҥунэмэчимҥэдьин һинмаритан. Эрэк Ньока төөрэҥэн ҥунмирэлни Ассамблеятан 1992 анҥаниду тэгуптин.

Тачин бидэн ньока ҥунмирэҥэн 1 Конгрессан делегатални гөөндэҥутэн Ньока төрэҥэн нонап Президенни Михаил Николаев төөррин. Организация иимкачиндьин бисин республика һойа национальноһалкан ҥунмирэлбэн иимкэндэвур,тарал өмэн һэлки мэргэлкэн өмэтту биддэтэн. Тадук һөнтэн Ассамблея гуусэкрэн Ньока төөрэҥнэн ииндьиддил ҥунмирэл национальнай культураватан дьулэски ҥэнудэй, этно-культурнай самобытнаһутан нээкчидэй.

Тулматтан Зоя Степанова.