Крош неньцалньун нулгэвэтти одни

ИЛКЭН. Смешарикал укчэннэ ненцал томалтан, төөҥкэкичэлтэн дьугулин «Нулгэвэтти мунрукан (кролик)» гэрбэлкэн анҥамта эпизодлавур.

Мультфильм ооптин «Смешарикалньун ҥунмирэл гиамачинтан Азбукан» доолин. Президент культурнай инициативали фондан төрутчэдьин.

Сюжетла Крош трубав бакридьи оҕынмай композицияв айдаи мулгачча. Тарав Ромашка долиналан бидди бэилду ааньидайи. Тар биникэн ноҥан итаҕчиддин һагарси бисин, ньимэкэклбу һоиттин. Смешарикал мээнур дисуттэвур ненцал аймулданач бинив төрутти томалтан дьугулин укчэнэсчир. Тачин ньэкчэтэн һодмарач һиилусив эмун. Крош Иҥэнь буг нулгэвэтти ҥунмирэлгичинни нулгэдэй мулгаттан. Нулгэвэтти мунрукан (кролик)сериян укал стриминговайды платформала көйэтми элэкэн оодни.

Аудиав долчилда:

Дукран Ирина Курилова
Тулматтан Зоя Степанова