Эвэды турэн нян литература учебникалбан ори гургэ хэрэддэн

ИЛКЭН. ФИРЯ Якутскай филиалаҥан хупкупти эвэды (балданҥа) турэн учебникалбан он оривутан семинарван тиинни.

Эври миир 3 – 4 инэҥилдун 2025 а. ФГБНУ «Федеральный институт родных языков народов Российской Федерации» Якутскай филиалаҥан эгдьэн “Текэрэп хупкутти эвэды турэн нян литература учебникалбан он оривутан ҥэнумҥэл” тиинэн.

Эр семинар адукун таҥулкан иҥэньгидэ төр ҥунмирэн төрдун, Неха төрдун, Нерюнгри райондулан, Иенгра билэклэн Г.В. Васильвеич гэрбэдин Золтинскай хупкучэкту тиивтин хо да ай.

Эр семинару омҥа-дукамҥалду, методиһалду, нян учёнаилду хупкутти эвэды турэн нян литература учебникалбан он оривутан методическай төдэчим одавур гоми тиин.

Эр семинар гургэдун эррочин улгумилбу укчэмэтчэл: мут Российскай Федерациядут хупкутти сферадун нян учебникалбу ооридьи тарит экспертизав он оривутан, нян таду ирэк нормативно-правовой дукун биддивэн; хэргидэп хупкучэкту хупкутти эвэды (балданҥа) турэн нян эвэды (балданҥа) литератураду учебникалбан УМКав он оривутан; универсальнай хупкутти хомнавун он херивэн,нян метапредметнай нян предметнай мудакувунни, нян функциональнай грамотноасть херивэн.

Нян-да РФ Федеральнай ҥунмирэл балданҥа төрэн институтаҥан, эр семинарду нян да дукти-оомҥалду эври миир 7-11 инэҥилдун практикум тииндэвур нэктэ.

Михаил Кривошапкин, ФИРЯ Якутскай филиалаҥан