Өймөкөн райоман Россия Арктикан доолан иивдэтэн гасчир

ИЛКЭН. «Ньока төөрэҥэн Арктикан» президенни, Ил Тумэн ҥунмирды депутатан Елена Голомарёва полярникал Ассоциациятан директордукун Алексей Минкиндук гасчин Өймөкөн райоман Россия Арктикан доолан иивдэн.

Өймөкөндулэ һээйэ биаҕтун бичэ бакалдамачакту ньуҥи марафон «Иҥэньси буг полюсан» гэрбэлэлкэнду региом дьавачаддил бэил, общественникалтан, экспертал-да өмэн мулгуралкан гөөнитэн райом иаракан-да Арктика төөрэҥдьин таҥучиптин элэкэмэн.

Голомарёва таҥуттидьин эчин ооракатан бэил федеральнай бэлэм, субсидиялбу, инвистициялбу-да гадатан бэлдьин, туризму, инфрастуктуралбу, предпринимательствов-да дьулэски ҥэнудэтэн. Тадук һөнтэ Өймөкөн культураван, мокиҥаван-да иимкэндэтэн айдьин.

Эррөчин бидэн оодатан федеральнай органал итьканьунтан киҥкич өмэтту гургэ бидэн ай, эду депутат полярникал Ассоциациятан бэлэмэн гасчир. Гуманитарнайли муйитти, Иҥэнь буг адукун таҥулкасал ҥунмирэлтэн һиилгаватан айчири РАН ҥунэмэчимҥэвэн гиаври Вячеслав Шадрин таду Россия Арктическай зонан унуванни тикэрлэн дьулэски ҥэнувэддивэн тачин-ту ньан тали критика-да бисин һаавран. Ноҥан дьомканни һөнтэ региол, Магадан обласан, Ханты-Манси автономнайды округан, райолбатан анҥамтач РФ АЗ-лан иивдэтэн, таракам Өймөкөн райоман ивридутэн эйумкун ооннаван.

Тиикэрэпту Ньока төөрэҥдукн миан илан райолни Арктическай зонала таҥутта:  Абый, Аллайиха, Анабар, булун, Өгэв Кулума, Верхоян, Эдьигэн, Мома, Һэргэҕ Кулума, Өлөөн, Дулаҕ Кулума, Усть-Яна, Эвэн-Бытантай райолни.

Ньан долчилда эрэк аудиован: