Балданҥа төөрэр декадатан Ҥунмирэл аймулдуматти дьудутан бидни
ИЛКЭН. Эври мир 13-дукун 28-дулан истала А.Е.Кулаковскай гэрбэдьин Ҥунмирэл аймулдумачак дьудутан анҥантан биси “Балданҥа төөрэн- ҥунмир мудактаҥан эҥэйэн” Ньока төөрэҥэн ҥунмирэлни төөрэмутэн иимкэндэтэн ҥэнури декада бидьин.
Декадали тиибдьин 25 мероприятиел.
Эври мир 13 инэҥидун ааҥабдьин “Балданҥа төөрэн нонаптук нонапан» гэрбэлкэн ичукэнэк. Һодмарач аавдатчир нөсэҕчэлбу «Ыччат таптыыр саха тыла” гэрбэду ньаан мэрээти столу эрээли укчэнмэчэкту “Ийэ тыл-ыччат кэскилэ” (Эньин төөрэн – нөсэҕчэр дьулинтэн) гэрбэлкэнду.
Эрэк инэҥилду бидьир ньан мероприятиел Иҥэнь буг адыкун таҥулкасал ҥунмирэлни төөрэндулитэн: долган, чукча, эвэн, эвэнки, юкагир-да.
Ньока төөрэҥэн ҥунмирэлни мээн төрэндуливур долчиникан дукундули ньэкчир, тадук һөөнтэн Бүтүн Россия ойлин этно диктандула “Россия-ҥунмирэл дьутан” гэрбэли, һамуридьур, ньучиди төрэндули дукчир. Мудандун долчидьис дьонтуралбу, икээлбу-дэ гиаки ҥунмирэл төөрэндьитэн.
ПРОГРАММА ДЕКАДЫ РОДНЫХ ЯЗЫКОВ В ДДН им. А.Е.КУЛАКОВСКОГО
Дукран Ирина Курилова, тулматтан Зоя Степанова
Ньан долчилда эрэк аудиован:
