Евгения Михайлова Колымское билэк дуриду дьуувур тиэтэвчэлду бэилду бэлрэн
ИЛКЭН. М.К. Аммосов гэрбэдьин СВФУ президенни, «Кэдыкэр» асал форуматан ҥуунэмэчимҥэн, «Кадровай резерв», «Өмэн һэлки Россия» асални һовнантан кураторан Евгения Михайлова дуриду дьуувур тиэтэвчэлду Колымскай билэк бэиҥэлдун бэлэндули акциядун ньэкрин ньан.
СВФУ студелдун исудаҥатан коробкалдула, сумкалдула гиаки размералкан оил, ньами дьоданал, бөөдэллэ-дэ төтучэптил биситэн. Бэлэн ньунэптин һэйэ биаҕан 17 инэҥидун бичэ дуридук һилусила исчал ньимэрэл һурэлдутэн.
Чукчэл Ассоциациятан гэрбэдукун Евгения Исаевна Михайловаду эгдьэм тэкэм исуритан, мэргэндукуй булиһиникан, бэлчэлин.
«Эррөчин ньэкчэн ичукэттэн, бэил, общественнай-да организациял бэил һилгадуктан бугаски этивутэн ээһэн. Евгения Исаевна бэлдэҥэн бэилду эгдьэн төрудэн бисивэн», — илкэнни Жанна Дьячкова чукчал Ассоциациявутан ҥуунэмэтти.
Дьооданалбу дьавуканитан «Өмэн һэлки Россия» штабан дьуудун.
Дьулдэлэ ньамси дьоданалбу Жиркопал ньимэрэҥдутэн Гаврил Кириллин, Ньока төөрэҥэн төлдэли уйулдуттин, ҥунмирэлни-дэ делолитан министрдукун дьавуканитан.
Дукран Ирина Курилова, тулматтан Зоя Степанова
Ньан долчилда эрэк аудиован:
Фото: СВФУ
Ссылки по теме:
