Мобильнай бэгдэчимҥэл иҥэньгидэлэ райондула гургэвчир

ИЛКЭН. Эври миир биаҕтун мобильнай бэгдэчимҥэл Аллаиха, Верхоян, Мома, Эвэн-Бытантай улусалтакин һөллөччир. Анҥани нонаптукун мобильнай бэгдэчимҥэл Ньока төөрэҥэн 11 улусалбан эрээлрэ.

Арктика улусалдукун һулэкэн ноҥартан һөллөтитэн Ньурба, Сунтар, Өгэв Бүлү, Нерюнгри улусалдулан. Тала дьөөр тысячакли бэилбу иарутитан, мэдукэнни Ньока төөрэҥэн Минздраван. Тиикйэкэн бэгдэчимҥэл Алдан улуслан һиилга һотаралкасал билэкэлдулэ ноҥартан иаручадда, куҥалбу иарутти һойа профилалкан бригада-дэмэр Чульман билэклэн гургэвчиддэн. Арктикала бэгдэчимҥэл гургэвур һиракчир Дулаг Кулума, Оленёк, Эвэн-Бытантай, Эдьигэн райолдулан.

Ньока төөрэҥэн здравоохранениен министрэн гөөнидьин анҥани нонаптукун нулгэвэтти бригадал иарутитан 4709 бэилбу республика тэгэлэ бисил райолдулатан. Дьулэски Аллаиха, Верхоян, Мома, Эвэн-Бытантай райолтакитан һөллөччир. Дьомкандьип эррөчин проеку ньөвритэн Ньока төөрэҥэн бэгэнни Айсен Николаев төруччэдьин, дьулэски ҥэнуврин-дэ эливэн индикаторан ообдан.

Тулматтан Зоя Степанова

Фото: @minzdrav_sakha