Саҥа дьылга бэртээхэй холобур

«Кыһын Саха сириттэн саҕаланар» бэстибээл чэрчитинэн нэһилиэкпитигэр ахсынньы 1 күнүгэр харыйабыт уотун уматтыбыт. Киирии тыл, эҕэрдэ нүөмэр кэннэ олохтоох дьаһалта аатыттан харыйа туруоруутугар үлэлэспит оҕолорго — Семенов Никитаҕа, Соломонов Васяҕа сэмэй бэлэҕин туттарда. Салгыы сыанаҕа Тымныы кыһын оҕонньор Хаарчааналыын, Чысхаан сиэнинээн киирэн эҕэрдэлэрин тиэртилэр. Ол кэннэ, оҕолор 2025 сыл бэлиэтин оҥорууга күрэх түмүгэ таҕыста. Бастакы миэстэҕэ — Васильев Арсений, иккис — Альмира, Еслам Слепцовтар, үһүс — Вася Иванов буоллулар.Салгыы оҕолор бастыҥ кулинарбыт Ольга Константинова буһарбыт минньигэс туордунан, хонтуораҕа киирэн күндүлэннилэр.

«Кыһын Саха сириттэн саҕаланар» бэстибээлбит салҕанан, харыйа уота сандаарбытын кэннэ олохтоохтор Туйаара Трофимовна Винокурова салайааччылаах үһүс уокурукка харыйаларын уотун уматтылар. Ааспыт сайын үһүс уокурук депутата Туяра Трофимовна көҕүлээһининэн, олохтоох уолаттар Василий Винокуров, Александр Сидоров бэрт тупсаҕай беседканы оруобуна бөһүөлэк хабыллар хаба ортотугар уустаан-ураннаан туруорбуттара, нэһилиэк биир кэрэ көстүүтүнэн буолла. Дьэ бу беседкаларыгар, харыйа, баннер, гирлянда иилэн киэргэтэн, сандаардан кээстилэр. Бу күн харыйа анныгар, Тымныы оҕонньор кистээбит подароктарын, түөлбэлэрин оҕолоругар туттардылар. Бу олохтоохторго бэртээх холобур буолар.

Нөҥүө сарсыарда 9 чааска оскуола территориятыгар эмиэ, күөх харыйабыт күлүмнүү оонньоото.

Надежда Сергеева, общ.корр.