Таат, киэйиэн мойм ажуулэ председательги АКМНС районгэ Александра Таврат.
Таң подьорхого Зоя Аммосова презентовала монут тудэ илльэ картинагэлэ » Эмэй легендаги». Таң ниңгэй планньэй полотногэ тудэл шөилэтэм тудэ эмэйгэлэ.
«Эмэй, иидэт, йахтаанульэл. Мэт йуукот, эмэй йахтэги мэдиину. Эмэй митин пундумлэбэдэк чульдьиипэлэк, ньэдьиплэк, тамун мит лэйдиидэ аай мит урпэңин пундиэну. Таң эмэй пундооги, мэт тиң мэт картинагэ шөрилэшунумэ», — мони Зоя Аммосова.
Таң художница монолгэн, тудэл иськом таат аанум шөрилэшут. Миэкэн аай атахун картинагэлэ аам, идьии тудэл илльэ сюжетный линияплэк аамэлэ. Омось шөрилэшнум тудэл йукоодьэ фигурэплэ. Зоя Серафимовна аай эл чэмэрэйльэлум тудэ картинагэлэ. «Мэт омось эл шөрилэтэймэ кужу шөрилэги, тамунңин мэт уйитэйэ», — моннуй тудэл.
Кэлоолбэнпэ омось мэдииңа Зоя Серафимовнагэлэ. Таа аай лоңдоңи мархильпэ лоңдол группагэт ЦВК «Этнос».
Презентация йоолаа, кэлоолбэнпэгэт эрдьиилбэнпэ шурэлэшңа диктанткэлэ эрпэйэн таат вадун ажуулэ.
Алексей КУРИЛО (Фото авторги)
Одул титэ шурэлэшум Любовь Дёмина
