Селогэ Себян-Кюель холльэлҥи соревнованияпул волейболҥин

ИЛКЭН. Этно-культурный центрагэ «Гиаван» ньуулэ М.Н. Абрамова селогэ Себян-Кюель, Кобяйский районгэ, 7 лэбэйдии киндьэгэ рамкагэ мероприятияпкэ, хоннулбэнпэҥин физкультурник Подьорхоҥин Якутиягэ, холльэлҥи соревнованияпул волейболҥин.

Таҥ спорткэлэ анураануҥа уөҥойоонпэ таат модойоонпэ мит селогэ шоромопул. Спортзалгэ омосьэ атмосферэлэк. Таа йоодаануҥи уөҥойоонпэ таат аай ветеранпэ командаги. Таҥ команда капитанэк Прокопий Кривошапкин, тудэл уйись селон амбулаториягэ. Студентэпул аай таа йоодаануҥи хаин эл кисьиэнуҥи. Команда капитанги Никита Кривошапкин студентэк Хабаровскийгэ промышленно-экономический институткэ.

Йоодол тамун йоодолэк. Таат переходящий кубкэлэ Главальэ Администрации Ламынхинского эрпэйэн национальный наслегкэ тадиильэлҥа спорткэ ветеранпэ командэҥин. Титтин тадиильэлҥа футболкэпул логотипньэ, омось йаклугудэ йоодоҥигэн монут. Студентпэҥин аай тадиильэлҥа тадиилоолпэгэлэ.

Таат тамунгэлэ ньэкөнмил пудоожим. Сельчанпэҥин мондин надоҥоой кэлунуҥин соревнованиеҥин, омосьэ ниҥиэтэймэт тамун йуөт.

Аудио мэдииҥик:

Екатерина Костенкова, с.Себян-Кюель

Одул титэ шурэлэшум Любовь Дёмина