Нижнеколымский нефтебазэгэ АО «Саханефтегазсбыт» кэлоол танкергэлэ миэдаальэлҥи таат льэллэ, швартовка таат документпэ аалоол йоолаа хоннульэл авиатопливо перекачкаги нефтебаза ёмкостьҥин.
«Дионисий Хитров» аальэлум рейсэгэлэ Ленагэт Янаҥин, Унмун унуҥҥин кэлльэл каменный угольгэлэ миндин, таат погрузка аадэллэ кэбэйдин Индигиркаҥин.
22:30 рейдкэ эгиэльэл теплоходэк СТК-1012 Арктический торгово-логистичнский компанияльэ. Тудэл кэсьиильэлум Нижнеколымский районн’ин лэгулпэлэк таат йиэнбэн грузпэлэк.
Угуйэлмэ 10 лэбэйдии киндьэгэ кэлльэл танкерэк «Ленанефть-2064», миэкэн Унмун унуҥҥин кэлдин мэ льэнуй танкерэк «Ленанефть-2043».
Кэлоолбэнпэ танкерпэ распаузкагэлэ миадэт, рейдкэ оҕооҥи Колымский судоходный компанийэн суднэпул — СПН таат ТР-75. Титтэл элииҥитэм топливогэлэ Среднеколымск городҥин таат Зырянка посёлкэҥин, таат аай селоҥин Анюй Билибинский районҥин Чукотский автономный округҥин.
Лэддэн завозэк Унмун унуҥҥин хоннуй.
Алексей КУРИЛО ( Автор фотоги),
Одул титэ шурэлэшум Любовь Дёмина
