Шахадьибэ — одулпэ миибэпки шахальиэбэлэк
…Йуөнулбэнпэ ниңиэлэ төнбиильэлңа, йуөт, участникпэ конкурскэ «Уха-2024», Якутиягэ (местность Ус Хатын, тюсюлгэ «Северное сияние) одун праздникэк «Шахадьибэ» хондэгэ, тамун хонут оольэл таң воскресениегэ.
Представительпэ ньҕанбоодьэ командэгэт (Верхнеколымский, Среднеколымский, Усть-Янский, Нижнеколымский районпэ) анилпэгэлэ аат, таң анилпэгэлэ палльэлңа, йаңлидьэгэлэ аальэлңа. Таат таң лэгулгэлэ украшайльэлңа, тамунгэлэ жюри шоромопул тамунгэлэ мэдэйңа.
Тит йоулэсьнумэт, ходит одулпэ титтэ «Шахадьибэгэлэ» лэбэйдии киндьэгэ Якутскэйгэ аануңа, эл хаин пугэ кэлунуй параагэ. Тамунгэлэ пундум вице-президент Ассоциации КМНС РС(Я) Вячеслав Шадрин: «Якутиягэ кусиэн киндьэгэ ниңго праздникпэ хоннуңи, тамунгэт мит праздник хоннуннуй лэбэйдии киндьэгэ, хаин мит шоромоньулпэ кэлунуңи Якутскэйңин, таңнуги хаин мит тии шахальануйли. Мит, ньэйуөт, айаат тии шахальаануйли…»
Мэдин мероприятие хондэгэ одулпэ председательги Совета старейшин, лэйдиийоон мелодистэк таат аранжировщикэк Макар Курилов аальэлум обрядкэлэ, лосьилгэлэ лэгитэм, лэбиэгэт лослобиилгэлэ шоромопңин ньэнудэ.
Тасьилэ йоҕодайльэлңа таң праздниккэлэ. Таа награждайльэлңа активистэпулпэгэлэ одулпэгэт таат эрпэйэпулгэт. Заместитель министра по делам Арктики таат коренных народов Севера Михаил Погодаев кэйльэлум наградэгэлэ Вере Васильевне Рожиной Усть-Янский районгэт, идьии тудэл Якутскэйгэ модой. Тудэл активный участницалэк чуму конкурспэгэ, тудэл кишэм аасьэн пугэлбиэгэт ньэрпэгэлэ, юкэлэгэлэ аам, таат мидьум призовой местэгэлэ.
Макар Семенович юкалаги аай чоңисьбэдэк. Тудэл кишэм мастер-класскэлэ, маутэ пэшшэйдин. Тудэл тэрикэги, Евдокия Ксенофонтовна, уйисьоон оодьоодэк Жиганский улускэ ,тудэл народный целительница, мастерицэлэк.
Таа ниңгэт кишэңа: йахтаплэ, лоңдоплэ, хороводпэ. Омось йахтэйбэдэк одун певицалэк Ирина Дускулова тудэл эмдьэпньэ.
Вячеслав Шадрин аальэлум презентациялэ книгагэн: Н.Н.Курилов «Я так думаю», Г.Н.Курилов «Ангелы мои с драгоценными дарами».Таң книгапулгэлэ тадиильэлңа таа льэйбэнпэңин шоромопулпэңин.
Конкурс итогпэгэн «Уха-2024» киэйоол местэгэлэ милльэлум команда Усть-Янский районгэт, атахлэштэ местэгэлэ мидьум Нижнеколымский районэк, йаалмэштэ местэгэлэ милльэлңа представительпэ Средний Колымагэт. Илэклэштэ таат ньаҕанбэштэ местэпкэлэ милльэлңа командапул Верхнеколымский улускэт.
Чумутпэңин призпэгэлэ кэйльэлңа! Таң анил йаңлидьэги чумутпэгэ омоольэл!
«Шахадьибэ-2024» омось хоннульэл. Организаторпэңин пасьибэладайнуйли — Ассоциация юкагиров РС(Я), Совет старейшин юкагирского народа Якутии, Благотворительный фонд «Ярхадана», ДДН им.А.Е.Кулаковского.
Валентин ХОТУ
Фото Ирины Куриловой
Одул титэ шурэлэшум Любовь Дёмина
