«Чороон добра» кэлльэл уөрпэпҥин селогэ Колымское

ИЛКЭН. Министр по внешним связям и делам народов Республики Саха (Якутия) Гаврил Кириллин мидьум участиегэлэ акциягэ «Чороон добра».

Таҥ акциягэлэ аальэлҥа хамиэдин модойоонпэҥин Република арктический районпэгэ. Акция рамкагэ министр тадиильэлум чиэдьэн ньэрпэгэлэ Жирков тампэ уөрпэҥин ( Кирилл, Инна таат Георгий) селогэт Колымское Нижнеколымский районгэ. Тамунгэлэ моннуй ТГ-каналэк ведомства.

Жирков тампэҥин йанльэлҥа пуховикпэ, пугэсьэ оопэлэк таат йиэнбэн ньэрпэгэлэ, мориэдин суровый Арктикэн условиягэ.

Жирков тампэ видеообращениегэ пасибэладайльэлҥа министрэгэлэ, монут: «Тит хамиэлоол надоҥоой Арктика модойоонпэҥин. Тамун миткэлэ пугэлэтнум. Чомоодьэ пасибэ титин!»

Таат таҥ шоромопул Антон Васильевҥин пасьибэладайнуҥи, тудэл Якутиягэ лэйдиийоон волонтерэк-общественникэк, организаторэк акциягэ «Чороон добра». Таҥ хамиэлоолгэлэ айии миадаҥи 200 уөрпэпул.

Тит чумут хамиэнуҥик таҥ акциягэ. Звониҥик телефонгэн 8 924 867 13 27 (Антон Васильев).
Шоҥҥик акцияҥин «Чороон добра», хамиэҥик Арктика уөрпэҥин, титтин пугоогэн монут!

Аудио мэдиҥик:

Одул титэ шурэлэшум Любовь Дёмина

Фото: ТГ-канал Министерство по внешним связям и делам народов РС(Я)

Читайте также:

Община “Турваургин”. Оленеводство Нижней Колымы держится

Какова ситуация в селе Колымское после пожара жилого дома