Чукоткэгэ хонтэй одун ажуу Ньэмолҕилги
ИЛКЭН. Чукоткэгэ 2 (атахун) миир киндьэгэ хонтэй одун ажуу Ньэмолҕилги, тамун оотэй Музейный Центрагэ «Наследие Чукотки». Анадырь городкэ льэйбэдэк одулпэ ньйуөл шахальэбэги, одулпэ — тамун Чукоткэн коренной омниипэги. Якутиягэт одулпэ представительпэги аай таҥ онлайн мероприятиегэ шоҥҥи.
Таҥ ньэйуөл участникпэ одулпэ элматериальный культурэн наследиягэлэ йуөльэлҥа. Анньаальэлҥи
плангэн ходо аадин уйилоол ажуупэгэн Окружной фестивальгэлэ, одуд ажуугэн аай, тамун оотэй 2025 ( атахун тысячэк атахун кунэль ньаҕадьи буди) ньэмолҕилгэ Чукотский автономный округэгэ.
Вячеслав Шадрин, Ирина Курилова, Валентина Акимова таат Макар Курилов, титтэл ньэдьиэҥи лэмэн илльэ проектэпул ооҥитэй, ходо титтэл йаклугудэ льэт уйиҥитэй. Тааҥ тиҥ кэлул поорэ параагэ омолонский олулпэҥин экспедициялэк оотэй. Омолон посёлкэгэ Билибинский районгэ таа модойоонпэ шоромопул клубкэлэ аальэлҥа, иилул ажуу кисьтин монут. Планпэгэ — аадин одул культурэгэн таат национальный йоодэлпэгэн Фестивальгэлэ.
Ассоциацийэн таат лигэйоонпэ Советэк представительпэ, таат иилул ажуупэгэн преподавательпэ консультацияпэгэлэ тадиинуҥа активистэпҥин. Титтин йалльэлҥа одун литературэгэлэ, словарьпэгэлэ таат разговорникпэгэлэ.
Тамун чэнись, таҥ Анадырьгэ тудаа одулпэ модоольэлҥи, унуҥгэлэ , хадуҥгэ таҥ Анадырьэк оҕол, ньуутэшҥа Онадыр (ажуугэн «ану-ан»), тамун одун ажуугэ «унунэк «. Лусьин казакпэ таҥ унуҥгэ острогкэлэ аальэлҥа, тамунгэлэ моннуҥи Анадырский.
Переписьгэн 2020 (атахун тысячэк атахун кунэль) ньэмолҕилгэн одулпэ Чукоткэгэ 152 (иркин исто ньаҕанбоодьэ кунэль атахул буди) шоромопул льэльэлҥи (переписькэ 2010 атахун тысячэк иркин кунэль ньэмолҕилгэ льэльэлҥи 198 иркин исто куниркильдьоодьэ кунэль мал5илэкул буди одулпэ).
Ирина Курилова
Одул титэ шурэлэшум Любовь Дёмина
Фото: Музейный Центр «Наследие Чукотки»
Читайте также:
Фольклорно-лингвистическая экспедиция к тундренным юкагирам
Анна Васильевна Курилова и её песни: взгляд в прошлое юкагирского народа
Юкагиры о космосе и небесных светилах
