Аасьэн чуулгэлэ столицепулпэгэ миндин мэльэнуҥи, тамунгэлэ ньиэнуҥа

ИЛКЭН. Ямало-Ненецкий автономный округэгэ таат Коми Республикагэ экспертэпул пундуҥа «Московский газетаҥин» ходо идьии льэт льэй аасьэмойнубэ отрасльги титтэ регионпэгэ.

Политолог, представитель агенства политических и экономических коммуникаций в ЯНАО Сергей Зубанов моннульэл: Ямало-Ненецкий автономный округкэ аасьэмойнубэ омось хоннуй, таҥ регионпэги чумуткэт киэйиэн о5оонуй аасьэ ниҥгэдэгэ. Иськом Ямалгэ тадиинуҥа ниҥго аасьэн чулгэлэ. Таҥ чуулгэлэ школапҥин , садикпэҥин, йиэн регионпэҥин тадиинуҥа. Санкция ойльэдэгэ, аасьэн чуулгэлэ Германия омось минлэбэдэк, Финляндия, хотя титтэгэ аай аасьэпул льэҥи. Китай таҥ Якутиягэт таат дальневосточный Арктикагэт миннунум аасьэн хаарпэгэлэ, унмутпэгэлэ, лекарство аадин.

Ямал коренной омниипэ ненцепул таат селькуппэ аасьэмонулбэнпэ шоромопул. Ненецпэгэ льэй индивидуальный таат совхозныйпэ аасьэн хозяйствэпул. Титтин хамиэнуннум региональный департамент агропромышленного комплекса. Таҥ ньэмолҕилгэ регионгэ аасьэн чулгэн закупочная стоимость пайаайльэл. Тудаа ненцепулпэҥин йолоҕудэ эл кэйнуҥа субпродуктэптэйлэ, таат хаарпэгэлэ, хохсьильпэгэлэ — идьии тамунпэгэлэ титтин тадиинуҥа, титтэ сам лэйдииҥа лэмдик аадин, иисьэптэйлэ аталэдайнуҥа, иисьэптэйла титтин пэнинуҥа. Титтэгэт эймэшнуҥа Китайҥин валютэгэн.

Политолог Сергей Пономарёв моннуй Коми Республикагэ аасьэмойнубэк аай омось хоннуннуй. Аасьэн чуулгэлэ аталэдайнуҥа Москваҥин, Санкт-Петербургҥин. Тудаа ойльэйбэдэк таатмиэй спросэк, идьии спрос аасьэн чуулгэн чоммульэл. Аасьэн чуул — тамун диетический, элитный, деликатесный чуулэк. Комийэгэ тамун зкупкэгэ эймэшки 300-400 поҥдок иркин килограммгэн, Москвагэ — 1000 рублейгэт, иллэмэдэ 5000 пондок иркин килограммгэн.

Поставщикпэ таҥ чуулгэлэ республикагэ мэйнуҥа свинина ценогэн, столицагэ аталэдайнуҥа чомоожит. Аасьэн чуул поставщикпэ идьии чаалот льэҥи. Регионгэ: Ухта городкэ, Интэгэ, Воркутагэ аасьэн чуулгэлэ омось мэйнуҥа. Тамунгэлэ аасьэмойнулбэнпэгэт мэйнуҥа. Таат льэллэ таа, йархоодьэ говядина таат свинина чуулпэги эймэшки чомоой аасьэн чуулгэт.

Аудио мэдиҥик:

Одул титэ шурэлэшум Любовь Дёмина

Читайте также:

Плановые показатели не выполнены. Но не все так плохо