Илэн иэруул хомдэмэн илэлльэбулэкҕа сэwл

Райуоннэй сельхозуправления мэтул, нэмэ лэwэймэ сисхадэwчэ лайаат 2024 (кин тысяча кингуниль йалаклисчэ) сукунҕа 181,2 (Маарахан истуо маалайлукунгуниль мархуонь тысяча, кийуол) илэпэн йуопэ льэнул. 103,6 (маархан истуо йалуол, маалайлань) процент план wиэйуол. Танут Минсельхоз мэдьуонь иэруул отдел моойчэ Иннокентий Баланов мэтум. Лэйтэйсэй, нэмэ эльилльэ хандьэмэ йуодэwчэҕа 171,5 (маархан истуо пускийингуниль маархуонь тысяча, имадалдьал) илэпэн йуопэ льэл.

114 (Маархан истуо куниль йалаклисчэ) истаадаҕа 1245 (тысяча кинистуо йалакланьгуниль имдалдьисчэ) гөдэпэ, 1010 (тысяча куниль) – илwиичэпэ, 235 (кинистуо йаангуниль имдалдьисчэ) чумуойипэ чаҕадьануҥи.

Йэwлидьэпэн йуопэ 45,9 (йэлэкунгуниль имдалдьань, wальҕаруомкруонь) процентпэ, титэбандьэ тидаҥҕа льэнул. Чама илэпэн йуопэ – 84,8 (маалайлукунгуниль йалаклисчэ, маалайлаклань) процентпэ льэнул.

Идьиэ йаwнэй илэн бригада хомдэмэн илэлльэбулэкҕа сэwнуҥа.Оленек улусҕа Илэн амаладьаачэн служба иимуй илэпэ льэл мони. Карантин wиэл, тадаат контрольҕа моойл.
Алдан, Булун, Усть-Яна, Албэлэл Кулума, Нерюнгри, Олекминск тадаат Эвено-бытантай улуспэҕа 115 (маархан истуо куниль имдалдьинь) эwрэйрукунпэ мэньнуҥа.

Анабар райуон сельхозуправление мони, нэмэ илэн амаладьаачэпэньэҥ йаwун карта wиэл , нэмэ паралидьэҥ амалэртэҥа. Йаан истаадаҕа паралидьэҕат тадаат сибирскэй язваҕат амалэрнуҥа.

Отчет периодҕа 37,7 (йаангуниль пускийинь, пускийинь тысяча) йэwлидьэпэ тадийуол, 2023 (кин тысяча кингуниль йалмэсчэ) сукунҕа 34,6 (йаангуниль йалаклисчэ, маалайлань тысяча) льэл.

Идьиэ илэн гонҕа наадэҥ мэмдэл. Албэлэл Кулумаҕа мотинэҥ чаҕадьанаанул. Иэруул моойчэпэ диспетчер службаҕат амучэли чаҕадьэл wаҥчинуҥа, Бригадирҕат утвержденнэй маршрут мэйлигинум wаҥчинуҥа.

Туҥ сукунмольҕалҕа Минсельхоз тадаат муниципалитет ньаҕан йаwнуо соглашения нимэлэснуҥа. Йаwнуо поҕодэ райуон администрацияпэҕа лэwэймэ сисҕадэwчэҕа почэсэйуол.

Валентин Хоту
Иннокентий Баланов фото
Аруунмөрийэ Тоенто Мария