«Вадун лачил. Юкагирские огни» выставка Санкт-Петербург саҕанэй чииҕа
Йаангуниль лэwэймэ сисхадэwчэҕа Санкт-Петербргҕа Арктикан тадаат Антарктикан Российскэй сударственнай музейҕа Албэлэл Кулумаҕат художник Екатерина Суржанинова выставкан «Вадун лачил. Юкагирские огни» амудьэ йоҥотэйл уучич.
Тудэ творчествоҕан тудэл митҕа Чаwлааҕар wаҕариил алҕамлал омопэн культуралэҥ тадаат бытлэҥ кисэнум. Тудэл пойуодьэ сукунмольҕал Чаwлааҕар райуонпэҕа живописьлэк wиэл, саҕанэй чии амудьэ портрет тадаат пейзажпэ иирисуйнунуй. Йаwнэй нотинэй Чаwлааҕар лаҥудэҥ кисэнуй.
Выставкан йоҥотэйл wадун йахтэҕат “Мэт тэтинь йахталбудьэҥ” мелодист Илья Курилов арууги ҥолаай, Лена Тоенто йахтэл.
представитель РО АКМНСС и ДВ РФ в Санкт-Петербурге М.Х. Белянская
Екатерина Суржанинова wаҕинэ выставкан йоҥотэйлҕа Арктикан тадаат Антарктикан музей моойчэн эльилльэ заместитель Анна Хороших, РФ Президент РС(Я) Постпред заместитель Евгений Петров, АКМНСС тадаат ДВ РФ вице-президент, КМНСС тадаат ДФ традиционнэй курильил тадаат арууги моойчэ Нина Вейсалова, Санкт-Петербург РО АКМНСС тадаат ДВ представитель Марина Белянская, РГПУ А.И. Герцена кирийэн ДПИ тадаат художественнэй иэруул кабинет заведующая Любовь Попова тадаат Санкт-Петербург художникпэн союз Анна Афанасьевна Осипова өндэриҥа.
Йоҥотэйлҕа Екатерина хуодэҥ тудэ творчество wиэнаам, портретпэҕа иэруучэпэн тадаат чэкчийиэпэн чии эдьил ньиэдьил, хуодэҥ тудэ картинапэ иирисуйнунуй ньиэдьил тадаат хуодэҥ чии Чаwлааҕарҕа саҕанануҥи.
Выставка Санкт-Петербург саримэпэҕа тадаат саҕанэй чииҕа кингуниль кийуодьисчэ хомдэмэ чальдьэдөрдьэҕа кин тысяча кингуниль йалаклисчэ сукунҕа йоҥотэл. Кинэк Чаwлааҕар амудьим, йаwнэй ньиэнуйли.
Соб.инф.
Аруунмөрийэ Тоенто Мария
