ВЭФ-2024 (кин тысяча кингуниль кийуодьисчэ сукунҕа): «Креативная Арктика» проект Арктическэй собиэтҕа йуолҕа сэwрэтэҥа

Арктическэй сударственнэй культура тадаат искусства институтги тадаат Арктикан лэмльэмул тадаат Якутия Чаwлааҕар омопэн энускуриэл Министерствоги маархалльэҕа проект «Креативная Арктика» Арктическэй собиэтҕа йуолҕа сэwрэтэҥа. Танут Восточнэй экономическэй форумҕа Арктикан лэмльэмул тадаат Якутия Чаwлааҕар омопэн энускуриэл министрги эльилльэ заместитель Михаил Погодаев мони, ТАСС мэтул.

“Туҥ сукунмольҕалҕа стратегическэй моойл программаҕа «Приоритет-2030 кин тысяча йаангунильисчэ» АГИКИ эльилльэ лэwэймэн ураалҕа «Креативная Арктика» Проект эльилльэ апробация уучич. Лэwэймэн ураал Красноярскэй лукулҕа Красноярскҕа тадаат Дудинкаҕа, йохон Сириэднэй куоротҕа уучич. Тадаат Чупчэн автномнэй лукулҕа Анадырьҕа льэтэл. Эйуокэн мит проект Арктическэй собиэтҕа йуолҕа сэwрэтэҥа, монур международнай уровеньҕа туҥ проект wиэл” – Погодаев ньиэдьил.

Туҥ программа экономикаҕа тадаат креативнэй индустрияҕа наадэҥ ураал урааричнул, командаҕа хуодэҥ чаҕадьэй урааричнул, хуодэҥ чииньэҥ моннуҥи, хуодэҥ тандьиил тадаат сторителлинг, тадаат пойуодьэ консультация тадаат профориентационнэй чаҕадьэлҕа урааричнул.

“Мит wаҕариил wаарачилҕа программаҕа амудьэ wэнкэ ичуонуйли, хади предпринимательстволэк wиэлбудьэтэҥа. Титтэл хуодэҥ социальнэй сетьпэ wиэл курильиибудьэнуҥа, хуодэҥ видэо мэ кэриэс тадаат wиэл. Хуодэҥ амудьэ команда аптэл тадаат тадул амутнэҥ wиэл. Туҥ сукунмольҕалҕа истуо чии программаҕа чаҕадьэтэҥа, эйуокэн АЗРФ регионпэҕа кин тысяча йаангуниль сукунҕа тысяча кин истуо кингунильисчэ чии маанууйли” – АГИКИ моойчэ Саргылана Игнатьева ньиэдьил.

Восточнэй экономическэй форум йалмэсчэ – маалайлисчэ хомдэмэ чальдьэдөрдьэҕа Владивосток куоратҕа Дальневосточнэй федеральнэй университетҕа уунул. ВЭФ кин тысяча кингуниль йалаклисчэ сукунҕа чама тема «Дальний Восток- 2030. Объединим усилия, создавая возможности» ҥодьэҥ. ВЭФ – кин тысяча кингуниль йалаклисчэ сукунҕа пускийинь тематическэй блокпэ: «международнэй маархальэҕа чаҕадьэл ньидьэрпэй контурпэ», “независимостьпэн технологияпэ”, “поҕодэн ценностьпэн система”, “Дальневосточнэй Россия”, “Чии, ураал тадаат патриотизм”, “транспорт тадаат логистика: ньидьэрпэй йаwул” тадаат “Мастер-планпэ: архитектураҕат экономикаҕа” льэнуҥа.

Архивҕат фотоги
Аруунмөрийэ Тоенто Мария