ВЭФ-2024 кин тысяча кингуниль йалаклань: Якутияҕа форум инвестицияҕа триллион рубльпэ кэчимлэ

Якутия кин тысяча куниль имдалдьисчэ сукунҕат Восточнэй экономическэй форумҕа соглашенияпэ wиэл, йаwнуо инвестицияҕа триллион рубльпэ пойумул. Танут туҥ чайлэҕа, имдалдьисчэ хомдэмэ чальдьэдөрдьэҕа, республикан моойчэ Айсен Николоаев мэтул, хуодэҥ ВЭФҕа мит регион льэнул.

Инвесторпэньэҥ тадаат сударственнэй корпорацияпэньэҥ амудьэ чаҕадьэн итогпэ льэл, хади энмун сукунмольҕал форумҕа ууннул, тудэл Якутияҕа проектпэ wиэйуол ҥодьэл.

“Идьиэ Якутия саҕанэй чии ВЭФҕа соглашения нимэлэсуол итогпэ йуотэҥа – социальнэй, инфраструктурнэй тадаат промышленнэй объектпэ, саҕанэй микрорайонпэн нимэпэ wиэр йуоҕарээйуолэл тадаат өгэтуол, общественнэй транспортпэ мидьэрпэйуол. Туҥ проектпэ энмун саҕанэй гөдэ курильиил. Тепличнэй комплекс “Саюри”, наукпэн Малая академия, «Звездный» микрарайон тадаат wаай пойуодьэ льэл”, — Айсен Николаев мони.

Тудэльэ арууҕат, ВЭФ-2024 кин тысяча кингуниль йалаклисчэ Якутия кингуниль имдалдьин соглашенияпэ wиэл. Саамэй Найба чаwун порт, Тихоокенскэй чуон йаwул, Оймяконскэй районҕа Усть-Нера пэчуолэкҕа теплоснабжения системапэ мидьэрпэтэйуол, «Синергия Арктики» проект wэдэгэйтэл, Якутскҕа мастер-план проектпэ поҕодэрутэл. Йаwнуо сумма ньидьэрпэй инвестицияпэ, хади Якутияҕа льэтэл истуо маалайингуниль йалуонь млрд рубльпэ льэнул.

“Восточнэй экономическэй форум – кин тысяча кингуниль йалаклань Якутияҕа ньидьэрпэй перспективпэ йоҥотэйнул. Туҥ проектҕат саамэй амудьэ результат – Якутия сааҕанэй чии эдьил амахай” – республикан глава мони.

Лэйтэйсэй, нэмэ Восточнэй экономическэй форум РФ Президент Оорчилҕат кин тысяча куниль имдалдьисчэ сукунмольҕалҕат уунул. Форум Владивостокҕа Рууский эмулҕа Дальневосточнэй федеральнэй университетҕа уунул.

Якутия туҥ форумҕа энмун сукунмольҕал льэнул. ВЭФҕа саамэй чама проектпэ – Булунскэй улусҕа ветродизельнэй комплекс, Нерюнгри городҕа компекснэй квартал “Р” застройка тадаат wиэн, Якутск тадаат Нерюнгри мастер-планпэн объектпэ, wаай туҥ сукунмольҕалҕа Сайсары йалҕил, Ленин площадь, Р.М. Дмитриев кирийэн Набережная, уорпэн нимэ тадаат республикан столицаҕа Спортивнэй микрорайонҕа многофункциональнэй спортивнэй зал, Нерюнгринскэй А блок мидьэрпэл йуоҕайэтэйуол.

Таҥун суодэдэ, Форумҕа ньиҥомиэйэ сукунмольҕалпэҕа Арктикэн лукулҕа волокно-оптическэй связьпэ «Удачный г. – Харыялах п.– Оленёк п.» йаwулҕа өктэйуол, Усть-Янскэй районҕа льуку мощность атомнэй станция өгэтэнуйуол, Усть-Янскэй районҕа россыпной олово месторождение «Ручей Тирехтях» йуонул, Нерюнгринскэй районҕа лачиндьуон месторождение Сыллахское wиэнуйуол, тадаат wиэн проектпэ wиэнуйуол.

Моойчэн пресс-служба тадаат Якутия правительство фотоги
Аруунмөрийэ: Тоенто Мария