Телеграмҕа татарскэй аруу – пойуодьэ чаҕадьэл маархуол гөдэ wиэл

Мессенджер интерфейс аруунмөрийэ волонтерскэй солҕайлҕа wиэҥа, пойуодьэ чаҕадьэл Ильгиз Зигангиров wиэл, тудэл кэйэн софт тадаат настольнэй йуорапэ переводнул.
Туҥ цифровой пространстоваҕа мэдьуонь аруу лайарэйуол тадаат палаҕарээйуол, “Миллиард татар” проектҕа чуҥдэҥа. Моннунҥи, нэмэ перевод кинэк татарскэй аруулэк анньэҥи “ньидьилпэ амутнэҥ льэтэл”. Переводньэҥ тэньи курильииҥик.

Инициативнэй группа Телеграмҕа татарскэй контент пуругуруутэҥа, wаай “икльал перевод” идьирэльэ ИТ-арууҕа мэтунҥа.
Кэйэн мөрдьиэйуол, нэмэ татарскэй аруу “Яндекс” нейросеть курильиитэл. Cервис Россиян омопэн кингуниль аруупэ переводчикҕа сэwрэтэл (эльилльэ оситинскэй аруу льэл)
Телеграм энтузиаст чии wаай бурятскэй арууҕа wиэл, туҥуллэк wарачиил аруулэк чаҕадьэй чии йаwнуо сукунмольҕал wиэҥа.

Титтэ аруу Телеграмҕа йаwнуо чии переводпэн платформалэк wиэл монур.

Источник: РБК Татарстан
Аруунмөрийэ Тоенто Мария