Сенатор Чукотка лаҥудэҥҕат: Якутияҕа пайпэпулҕа амутнэҥ чамбиинуҥа
Федерациян Собиэт чаҕадьэй гөдэ Анна Отке Санкт-Петербургҕа IV йалаклисчэ Евразийскэй пайпэн форумҕа льэл.
Анна Отке пайпэн площадкаҕа, хади традицияпэ тадаат культура мэ пуругуруунуҥа, тудэл хуодэҥ Россияҕа wаҕариил алҕамлань омопэн пайпэпулҕа чамбиинуҥа, ньиэдьил, Федерациян Собиэт сайт.
Чаwлааҕар, Сибирь тадаат Йиэлгэр Восток регионпэҕа wаҕариил алҕамлань омопэн пайпэпулҕа ньиҥомиэйэ чамбиинуҥа. Йаwнуо куриличилпэ федеральнэй, региональнэй тадаат муниципальнэй уровеньпэҕа курильииҥунуҥа. Регионпэн ньиҥомиэйэ социальнэй тадаат экономическэй условияпэ регионпэҕа ньиҥомиэйэдьич куриличилпэ курильииҥунуҥа. Wаай wаҕариил алҕамлань омопэн пайпэн чамбиил тадаат нимэндьиин тадаат уорпэн чамбиил ньаҕа нигэрэч лайарэнуҥа. Пайпэ-хануойидьаачэ титтэ нимэ өгитэнул тадаат тудуруу аҕарэ тадинул. Пайпэ омопэн культура мэ лайарэл тадаат традицияпэ wаарачилҕа тадил”, — Анна Отке мони.
Сенатор мони, нэмэ йаwнуо wаҕариил омопэн культураҕа пайпэ нимэн чаҕадьэл куриличилпэ курильиинунуй, титтэл – льуку бизнес программапэҕа амутнэҥ чаҕадьэнуҥа. Ньиҥомиэйэ программапэҕа wаҕариил омопэн пайпэпулҕа поҕодэ тадийуол, хади титтэ иэруулэк чаҕадьэбудьэтэҥа, хади традиционнэй иэруулньэҥ льэл: дитэ иэруул, саабандьэ, илэн иэруул, тадаат традиционнэй иэруул. Туҥ чаҕадьэлҕа сударственнэй чамбиил льэл – туҥ региональэнэй тадаат федеральнэй грантпэ льэл.
Wаай Анна Отке Россия регионпэн практикалэҥ ньиэдьил, хадаа специальнэй программапэ тадаат ууйльпэ льэй, хади wаҕариил алҕамлань омопэн пайпэпулҕа чамбиийуол, нимэндьиин хануойидьаачэпэн традицияпэ лайарэҥа.
Ямало-Ненецкэй АОҕа “чумовой капитал” программа льэй, туҥ программа wаарачил нимэндьиипэҕа, хади ханаал эдьилэк саҕанануҥи. Туҥ нимэндьиипэҕа ханьин йалмэсчэ тадаат көнмэгисчэ уо мэ пулгэрэйуол чумовой капитал мэ тадинуҥа. Туҥ капиталҕа имдалдьин истуо тысяча поҕодэҕа йуорпурэн саҕанэй эдьил йаwнуо наадэҥ нимэн сукун тадаат лалимэ льэл.
Якутияҕа кин тысяча куниль маалайисчэ сукунҕат “О кочевой семье” ууйль льэй, тадаат “Молодой оленевод” программа льэй, туҥ программаҕа илwиичэпэҕа социальнэй поҕодэ тадинуҥа, таат титтэл титтэ нимэ мэ тандиитэҥа эwри өгитэтэҥа.
Чукоткаҕа нимэндьиипэҕа, хади традиционнэй иэруулэк саҕанэй титтинь уттэгэwрэлҕа поҕодэ тадинуҥа. Тидаҥҕаткумун туҥ чамбиил пенсионерпэҕа тадинануҥа, хади кэйэн сельхозҕа тадаат общинаҕа мэ чаҕадьэҥа.
Федерация Собиэт пресс-служба ньаачэд-оно
Аруунмөрийэ: Тоенто Мария
Также по теме читайте:
