Детскэй сад коллективги ветеранпэлэ өндэрим

11 хомдэмэ ладьин мольҕал киндьэҕа детскэй сад коллективги (моойчэ Бандерова О.А.) дошкольнэй образованиеҕа ньиҥомиэйэ сукунмольҕалпэҕа чаҕадьаальэлдьэ ветеранпэлэ амучэ концерт wиэрэҥ өндэриҥа. Чаманэҥ амучэ ньинуул туҥ хуончайлэҕа ҥолаай. Организаторпэҥинь, детскэй сад уорпэҥинь чама молийии: хуончайлэн концерт тадаат лэгулэк потинэй самхараал анаан амуч. Уорпэ поздравительнэй открыткапэ wиэҥа. Детскэй сад коллективҥинь лугуйэ чии Чайлэҕа митханэ солҕаҕайсэҥудаҕа чама молийии. Мит, дошкольнэй образование коллегапэ-ветеранпэ, детскэй сад коллективҥинь монулбудьэльи: титинь кэйгудэҥ пойуодьэ амудьэ, пуҥуол, мааруол.

Александра Никанорова.
Аруунмөрийэ Третьякова Анна.