Республикэн моойчэ Айсен Николаев тудэ тг-каналҕа Якутия саҕанэй чии өндэринуҥа

ИЛКЭН.

Республикэн моойчэ Айсен Николаев тудэ тг-каналҕа Якутия саҕанэй чии өндэринуҥа:

“Мит нимэндьиипэн пурэбэдьиил таатбандьэ чама конкурсҕа – туҥ митльэ республикаҕа амудьэ мубуол льэл, Россияҕа нимэндьиин сукунҕа тадаат Якутияҕа уорпэн сукунҕа. Мэт ньиҥиэҕан өндэрииҥ!”.

Энмун сукунмольҕал Всероссийскэй конкурс “Семья года” wальҕарумкуруосчэсур уучич. Кин тысяча кингуниль йалаклисчэ сукунмольҕалҕа маархальэ Россияҕа нимэндьиин сукунҕан мубуолпэҕат туҥ мэмдэл саамэй амудьэрукун льэл. Тудэльэ Российскэй Федерация чаҕадьэл тадаат социальнэй туҥиэл Министерство, Фонд, хади уорпэпул wарэчуорэл, хади иральань саҕанэй, Российскэй Федерация субъектпэн исполнительнэй быылас органпэ мэ wиэҥа.

Туҥ сукунмольҕалҕа конкурсҕа куниль маархуонь тысяча нимэндьиипэ льэҥа. Маалайлукунгуниль маалайлаклисчэ нимэндьиипэ мэ пурэбэдьиинуҥи, номинацияҕа: «Многодетная семья», «Молодая семья», «Сельская семья», «Золотая семья», «Семья – хранитель традиций» ҥодьэҥи.
Соловьев илwиичэн нимэндьии имдалдьал уорпэ лөлнуҥа. Кин тысяча куниль йалмэсчэ сукунҕа титтэл омоньэй община “Эркит” wиэҥа. Наслежнэй, райуоннэй, республиканскэй, wаай всероссийскэй мэмдэлпэҕа льэнуҥа.
Лэйтэйсэй, нэмэ кин тысяча йаангуниль сукунҕа номинацияҕа «Семья – хранитель традиций» Томпонскэй райуон Тополиное пэчуолэкҕат Варвара тадаат Дмитрий Стручков ханаал пойуодьэ уорпэньэй нимэндьии пурэбэдьиил.

Ирина Курилова

Фото: t.me/aisen_nikolaev

Аруунмөрийэ Тоенто Мария