Уорпэ эньиэпэҕанэ өндэриҥа

Туҥ чайлэ мит саамэй маануйуол республиканскэй Эньиэ хуончайлэги. Уорпэ пулгидьилэлэ, амучэ открыткапэ ирисуйдаҥи, воскресеньеҕа титтэ эньиэпэҥинь анилҥинь. Туҥ чайлэ wайи Амаа чайлэги, таатльэр уорпэҕа чаҕадьэл пойуонь.

Социальнэй помощь семье и детям отделениеҕа эньиэпэлэ өндэриҥа, аҕальwэсҥа, титтэ уоньэҥ маархан командаҕа йуораҥи. 17 хомдэмэ ладьин мольҕал киндьэҕа мероприятие wиэҥа, уорпэ эньиэпэньэҥ ньиҥомиэйэ конкурсха, викторинаҕа ньигиэйичҥи.

Уорпэ чаманэҥ пуҥуолҥи, эньиэпэги охоль эмлиирэҥ льэҥи. Саамэй амучэ конкурс уорпэҥинь титэ бани: йуодиипэги иирэҥа тадаат титтэл эньиэҕанэ нууйуолмораwньэҥи, уорпэ титтэ эньиэ нуурэлэк «Эньиэ!» мондэҥ йэwлигирэҥ эмлэрэйҥа.

Эньиэ чамбиичэпэ борщ, плов wиэҥа, титтэл ингредиентпэ маархуонь аптэҥа.

Wайи конкурс льэй, уорпэ йадархаҕат эньиэпэҥинь ожерелье wиэҥа. Саамэй маалаҕиилги куодьэдуорпэ пойуодьэ йадарха пандииҥа.Конкурс-викторинаҕа саамэй эрудированнэй уорпэ иимэрэйҥа.

Йаwнэй көдэҕа льэй эньиэ, эньиэдиэ. Тэт мэдьуодьэк, эл анньэйэк, эньиэ йаwнуо мөрим, курильиим нэмэ тэтинь наадуолги, хадаа йоойлги. Эньиэ пугулwэрдьэ арууги хадаанэҥ курильиий. Эньиэ – пугудьэ, йэwлигил, амудьэ. Туҥ сукунбурэбэҕа помниир льэйрукун эньиэҕат.

«Колымская правда» газетаҕат, А. Курило фотоги
Аруунмөрийэ Третьякова Анна