Хатыстыр пэчуолэкҕа авторскэй йуораа эрпэйэн аруулэк уорпэпулҕа wиэнуҥа
ИЛКЭН. “Сардана” уорпэн нимэҕа Алданскэй райуон Хатыстыр пэчуолэкҕа эрпэйэн аруу лайарэнуҥа. Уорпэн нимэн моойчэ Августина Павлова тадаат урааричиичэ Мария Прокопьева уорпэпулҕа йуораа wиэнуҥа, хади эрпэйэн эдьил, нимэн сукун тадаат эрпэйэн лэwэйнбурэбэ кисэнул. Wиэн уорпэн нимэпэҕат урааричиичэпэ туҥ йуорааҕа йуөчиинунҥу, тадаат республика йаwнэй саҕанэй чииҕа кисэл-будьэтэҥа.
НВК “Саха” генеральнэй моойчэ тадаат Ил Тумэн депутат Олег Марков, туҥ йуораа мөриҥа, тудэл “Айар” издателстваҕа кэwэйл, хади туҥ проект амутнэҥ wарэчуорэл. Эльилльэ йуораа, хади “Сардана” уорпэн нимэн чаҕадьэй чии wиэҥа, лэwэймэҕа пулгэрэйл, тан туҥ чайлэҕа уорпэпул көнмэгисчэ йуораа льэй.
“Ньидьэрпэй проектпэ хади Чаwлааҕар омопэн аруупэ лайарэтэл сударственнэй тадаат муниципальнэй уровеньҕа наадэҥ wарэчуорэл. Мит туҥ йуораапэ палаҕарэйнуй, тадаатэ титтэл энмун уорпэн нимэпэҕа тадаат нимэдьиипэҕа льтьэҥа, Якутия льуку саҕанэй уорпэпулҕа туҥ йуораа йоҥлидьэ льэтэл”, — Олег Марков тудэ телеграм-каналҕа нимэлэсуол.
Аруунмөрийэ Тоенто Мария
Ссылки по теме:
