Андрюшкино пэчуолэкҕа Комсомол мэдьуолуол чайлэ уул

ИЛКЭН. Культурно-историческэй центр музейҕа Албэлэл Кулума Андрюшкино пэчуолэкҕа кингуниль wальҕарумкрисчэ лаwйэмэ ладьин мольҕалҕа, Комсомол мэдьуолуол чайлэҕа, аwйааҕарэ-ньийуол «Комсомол, ты в памяти моей» уучич.

Хуончайлэҕа комсомол ветеранпэ: организациян партийнэй секретарь Дария Николаевна Курилова тадаат РФ омопэн просвещения отличник, ураричиичиэн чаҕадьэл ветеран Татьяна Даниловна Третьякова ньиэйиийуолҥа.

Ветеранпэ комсомольскэй билетпэ кэwрэйҥа, тан титтэльэ сисилҕа комсомольскэй значокпэ подьаҕайҥи. Титтэл уорпэпулньэҥ титтэ комсомольскэй wаарачил тадаат амудьэ чаҕадьэл лэйричилпэ ньиэдьиҥа, хади мит лэwэйнбурубэ амутнэ амучэ wиэйуол.

Комсомол ветеран Марта Яковлева комсомольскэй йахтэпэ йохон аруулэк йахтэй.

МКУФЦ моойчэ Анегина Слепцова саримэпэҕанэ хуончалэлэк өндэрим. Тудэл анилпэ, тан уорпэпулҕа ньаньбэлпэ тадил.

Ньийуол уорпэпул комсомолпэн подвигпэ тадаат титтэ вклад историяҕа курильиинуҥа. Аwйааҕарэ лайат титтэл ветеранпэҕа аплодисментпэҕанэ молийиидаҕа.

Митльэ саҕанэй чии – труженикпэҕанэ элмонньэлҕа лэйтэйҥа, хади митньэҥ эwльэ, тан мит сугудьэҕа ах льэнуҥа.

Александра Никанорова, общ.корр

Андрюшкино пэчуолэк

Аудио мөндьиэк:

Аруунмөрийэ Тоенто Мария