Бясь Кюель тадаат Тяня пэчуолэкпэҕа чугуодьэ интернет уул

ИЛКЭН. Якутияҕа Олекминскэй райуонҕа Бясь Кюель тадаат Тяня пэчуолэкпэҕа чугуодьэ интернет почэсэйл. Туҥ саҕанэй чииҕа чама мубуол, таатльэр чаҕадьэлҕа, ньиэдьилҕа тадаат проектпэҕа ньидьэрпэй wэрwэ тадийуол. Танут «Цифровой алмаз» йалмэсчэ федеральнэй форумҕа волокно-оптическэй связь Амудьэ йоҥотэйлҕа Якутия моойчэ Айсен Николаев мони.

Маархалльэҕа республика тадаат ньамучэньил поҕодэ wаҥчийуол “Нордголд” компанияньэҥ ньаҕан туҥ проект wиэйуол, хади лайҕудэҥ форумҕа республикэн Фонд развития инновацийньэҥ ньиэдьуол нимэлэснул. “Артик Телеком” компания ВОЛС өктэнул, маархан истуо пускийингуниль км оптоволокнолэҥ өктэл.

Связь йаwул йалаклань тысяча кин истуо км йаан истуо маалайлукунгуниль wальҕарумкрисчэ Якутия саҕанэй лукулпэҕа уучич, чугуодьэ интернет wальҕарумкуруодьэгуниль йалмэсчэ процентпэ республикэн саҕанэй чии льэй. Туҥ проект ВОЛС Якутия йиэлгэр пэчуолэкпэҕа өктэтэл, Якутиян моойчэ мони.

Аудио мөндьиэк:

Марина Коренева

Аруунмөрийэ Тоенто Мария

Чугуодьэ – быстрый

Мубуол — случай, событие, дело; история; чрезвычайное происшествие

Ньамучэньил поҕодэ – золото

Ньиэдьуол — уговор, договоренность