Эрпэйэн омо Якутскҕа маалайлисчэ Съездҕа көлтэл эдьил мэтутэҥа

ИЛКЭН. Кийуодьисчэҕат пускийисчэҕа хандьэмэ сэрбэдамунҕа эрпэйэн омо маалайлисчэ Съезд уутэл, регионпэҕат имдалдьал моойчэ тадаат Йиэлгэр Восток, Сибирь тадаат Чаwлааҕар wаҕариил алҕамлань омопэн Ассоциация чамбиитэҥа.

Чама форумҕа хуодэҥ эрпэйэн омо көлтэл эдьил йаwул мэ мидьэрпэр тадаат пуругуруу, эрпэйэн аруу тадаат титтэ культура, тан wаай титтэ традиционнэй эдьил Чаwлааҕар wаҕариил алҕамлань омо дитэбандьэ мэ лайарэ.

Эрпэйэн омо Ассоциация и.о. моойчэ Анатолий Слепцов көлтэл мэмдэлпэ ньиэдьил. Туҥ Съездҕа солҕидьэ «Эвенский язык и культура: состояние, проблемы и перспективы»; омопэн чаҕадьэл Федеральнэй агенства правапэн семинар «Защита прав малочисленных народов Севера России»; межрегиональнэй конкурс эрпэйэн иимидьиэл «Хэде»; тадаат wаай пойуодьэ культурнэй мэмдэлпэ льэтэҥа.

Wаай эрпэйэн омопэн амудьэ ньийуол Якутия кийуол кунильисчэ райуонпэҕа, Чукоткаҕат, Камчаткаҕат, Магаданскэй областьҕат, Хабаровскэй лукулҕат льэтэл тадаат Якутияҕат Момскэй улусҕат эрпэйэн хануойил нимэндьии Соловьевпэ ньийуотэҥи, хади Всероссийскэй конкурсҕа «Семья года» номинацияҕа «Кочевая семья» пурэбэдьииҥи.

Эрпэйэн омон Ассоциация Маархан тысяча wальҕарумкуруол истуо wальҕарумкуруодьэгуниль эльилльэсчэ сукунҕа Якутскҕа эльилльисчэ сьездҕа эрпэйэн нимэлэсиичэпэ тадаат учёнай-исследовательпэ wиэнуҥа. Тудэл алҕамлань омопэ – Россиян эрпэйэпэ ньаҕа нигэрэч, хади Российскэй Федерация имдалдьал регионпэҕа: Республика Саха (Якутияҕа), Магаданскэй областьҕа, Хабаровскэй тадаат Камчатскэй лукулпэҕа, Чупчэн автономнэй округҕа саҕанэнуҥа

Аудио мөндьиэк:

РС(Я) КМНС мөрдьэҕат

Аруунмөрийэ Тоенто Мария