Якутияҕа “Культуран земскэй чаҕадьэй гөдэҕа” кин миллион поҕодэ киитэҥа

ИЛКЭН.

Эльилльэ хандьэмэ йуодэwчэҕа кин тысяча кингуниль имдалдьисчэ сукунмольҕалҕат Россияҕа “Культуран земскэй чаҕадьэй гөдэ” программа ҥолаатэй. Владимир Путин туҥ проект wиэл. Тудэл “Земскэй ураричиичэ” тадаат “Земскэй доктор” проектпэ wиэнуул. Чаҕадьэй чии, хади льуку куоратҕа эwри пэчуолэкҕа кэлутэҥа, маархан миллион поҕодэ мэньтэҥа, тан Йиэлгэр Восток саҕанэй чии кин миллион поҕодэ мэньтэҥа.

Пэчуолэкпэҕа ураал нимэпэҕа, библиотекапэҕа тадаат музейпэҕа чаҕадьэй чии алҕамлал, Якутия культуран министр Афанасий Ноев мони. Кин тысяча йаангунильисчэ сукунмольҕалҕа туҥ программаҕа культура областьҕат кин истуо чаҕадьэй чии маануҥа.

Туҥ программа “Развитие культура” госпрограммаҕа wиэйуол. Тудэл культуран чаҕадьэлпэҕа вакансияпэ wальэньэҥ потаҕарэйтэл. Туҥ проектҕа высшей тадаат средньэй образованиеньэҥ чаҕадьэй чии чаҕадьэй монур, хада имдалдьингуниль тысяча чии саҕанэҥа.

Аудио мөндьиэк:

Аруунмөрийэ: Тоенто Мария