Эвенкийскэй иҥдьийиэҕа Якутия моойчэн стипендия тадил
ИЛКЭН. Олонхо чайлэҕа, кингуниль имдалдьисчэ хандьэмэ ниҥин хачилҕа, саамэй ньандуоҥи олонхо йахтийаапэҕа, льитэгэдьиэйэпэҕа тадаат омопэн чэкчийиэпэҕа Республикэн Саха (Якутия) Моойчэн стипендияпэ тадинуҥа. Стипендиатпэ ордьаҕа Оленекскэй райуоҕат омопэн иҥдьийиэ Надежда Колодезниковаҕа льэй.
Туҥ стипендия конкурсҕан тадийуол. Стипендия йаангуниль тысяча рубльпэ киндьэҕат тадаат көнмэгисчэ киндьэҕа маархан сукунҕан тадитэйуол.
Надежда Колодезникова – Оленекскэй райуон Харыйалах пэчуолэкҕа саҕанэй, тудэлҕа йалаклань уорпэ льэй, йэwлуу абучиэ тудэ уодуопэ мэ йэwлигил. Йукуотэҥ илwиичэн хаанаал мэ курильим тадаат йаангуниль сукун илэн бригадаҕа чаҕадьэл. Кингуниль тысяча куниль кийуодьэсчэ сукунҕа “Народный мастер” звание тадиҥа, пойуойнэҥ международнэй “Сокровища Севера” выставка-ярмаркаҕа Москваҕа льэл, “Алакуо” эвенкийскэй фольклорнэй ансамбльҕа льэй, эльилльэ Республиканскэй фестиваль-конкурсҕа “Северянка-2019” кингуниль тысяча куниль wальҕарумкруонь Якутия wаҕариил омопэн пайпэ ордьаҕа пурэбэдьиичэ ҥодьэҥ
Аудио мондьиэк:
Ирина Курилова
Аруунмөрийэ: Тоенто Мария
