Амалэчил лайат пэнгэйл нимэҕа иральадьэ РФ Минздрав йуөнуҥа

ИЛКЭН. Санитарнэй авиация Россиян арктическэй регионпэҕат йиэлгиндэ пэчуолэкпэҕат чии нимэ лайҕудэҥ амалэчил лайат почэсэйтэҥа. Танут РФ здравоохранение министр эльилльэ заместитель Виктор Фисенко мэтул.

Тудэ арууҕат, кингуниль тысяча кингуниль йалаклисчэ сукун эльин мэ хабун арктическэй губернаторпэ Минздравҕа мэр оҥодьиҥи пациентпэ нимэ лайҕудэҥ пэнгэрэй. Амалэчил лайат пациентпэ чоҕойнэ нимэҕа пэнгэйл мэ чантэйрэҥа, таатльэр чуон чиримэ пациентпэ больницаҕа миринь эwриэсиэл, лайҕудэҥ нимэҕа эл пэнгэрэй.

“Минтрансньэҥ тадаат мит чаҕадьэй чииньэҥ мит туҥ курильиил йуөҥа, тадаат идьиэ пациентпэ нимэ лайҕудэҥ мэ пэнгрэйл. Туҥ регионпэ wаҥчинуҥа”, — Собиэт Федерация Йиэлгэр Восток, Арктика тадаат Антарктика Собиэтҕа Фисенко мони.

Тудэл wаай мони, нэмэ кингуниль тысяча кингуниль йэлэклисчэ сукунҕа санитарнэй авиация кин тысяча чэнгуруй тадаат йаан тысяча пускийин истуо чии кэwрэйл.

Аудио мөндьиэк:

Аруун мөрийэ: Тоенто Мария