Кинигапэн киисэл «О людях, живущих у холодного океана»

Кингуниль пускийисчэ хандьэмэ ниҥин хачилҕа Мэдьуонь чуҥул нимэҕа кийуол ньидьэрпэй кинигапэн киисэл уучич, туҥ мэмдэл Русское Устье саҕанэй чиин культурадаҕа тадаат мубуолдаҕа wиэйуол. Туҥ регион хандьэ чаwул лаҥундьаа аҕуол. Туҥ киисэл президентскэй фонд культурнэй инициативпэн гранпэ тадаат Дауровскэй клуб АНО чамбииҥа.

Киисэлҕа потинэй сборник «Сказки Русского Устья» тадаат своднэй Русскоустьинскэй аруупэн кинигэ йуөсэҥа. Туҥ кинигэпэ Игорь Чикачев нимэлэсум тадаат пулгэрэйм.

Изданияпэн киисэлньэҥ редакторпэ-составительпэ: аруупэн кинига – СВФУ доцент, филологическэй кичил кандидат Татьяна Александровна Бердникова: караwаалпэн сборник – wаай СВФУ доцент тадаат филологическэй кичил кандидат Оксана Михайловна Сальникова аруулэ ньидэҥа.

Мэмдэлҕа научнэй тадаат музейнэй общественность чаҕадьэй чии, СВФУ студентпэ, нимэлэсиичэпэ, мөрдьиэчэпэ тадаат ОО «Русскоустьинцы» чии аруулэ ньидэҥа.

Йаwнэй чии кинигапэ мэньнуҥа. Таҥун суодэдэ, куниль кинигэпэ Мэдьуонь чуҥул нимэҕа тадаат Республикэн Саха (Якутия) улуспэн чуҥул нимэҕа тадуйуол.

Ньидьэрпэй кинигэпэ Мэдьуонь чуҥул нимэн сайтҕа ичуоҥик.

Аруунмөрийэ – Тоенто Мария

Словарь

Киисэл – показывание (выставка)

Мэдьуонь – национальный

Чуҥул нимэ – библиотека

Мубуол – событие, история

Аруупэн кинигэ – словарь

Кичил – наука

Аруулэ ньидэм – произнести речь, выступить с речью

Мэмдэл – мероприятие

Мөрдьиэчэ – журналист

Таҥун суодэдэ – кроме того