«Илкэн» — митҕа кингуниль имдалдьан сукун. Пойуодьэ wиэйуол, wаай пойуодьэ маатэйуол…» “Илкэн” газетэн хандьэмэ ниҥин хачил номерҕа чуҥнумк

Амучэ чайлэлэк, чамаримэ чуҥдьэ чии, мит чии, wальбэпэ.

ГАУ РС(Я) “Сахапечать” республиканскэй газетэн Илкэн хандьэмэ ниҥин хачил номер пулгэрэйуол.

Лэйтэйсэй, нэмэ изданиен кирийэ эвенкийскэй арууҕат “куриль” саалҕа ҥодьэҥ. Элльильэ номер республиканскэй уровеньҕа тысяча wальҕарумкуруонь истуо wальҕарумкуруодьэгуниль wальҕарумкрисчэ сукунмольҕалҕа лаwйэмэ ладьин мольҕалҕа пулгэрэйл., таат митҕа кингуниль имдалдьань сукунмольҕал льэй.

Уучиил уттэгэwрэлҕа Якутскҕа традиционнэй фестиваль «Зима начинается в Якутии» ҥолаай. Туҥ мэмдэлпэҕа йархэн тадаат эримэн скульптурапэ международнэй конкурс  «Бриллианты Якутии» уучич. Туҥ конкурсҕа йохон чакчийиэ суодэдэ, титтэ коллегапэ wиэн регионпэҕат, тан Монголияҕат тадаат Китайҕат скульптурапэ wиэҥа.

Хуончайлэн чии тадаат саримэпэ чаwлааҕар илэпэ “Энеси Халан” общинаҕат ичуол-пуҥуонуҥа. Туҥ община Аполлон Ильинов кирийэн ҥодьэҥ, моойчэ Раиса Ильинова Жиганскэй райуонҕат. Танут фоторепортаж “Илкэн” аwуонь номерҕа льэй.

Көлтэл неделяҕа регион столицаҕа РФэн эрпэйэпэн съезд тудэ чаҕадьэл ҥолаай, хадаа эрпэйэн омопэ ньийуол Якутиян куниль кийуодьэсчэ арктическэй райуонпэҕат, тан Чукоткаҕат, Камчаткаҕат, Магаданҕат, Хабаровскҕат  льэтэл. Туҥ чама мубуол льэтэл.

Тадаат Республикэн Саха эрпэйэпэ чама солҕидьэлҕа йануҕайтэйуол, солҕидьэл лайат Якутиян эрпэйэн Союзҕа ньидьэрпэй моойчэ нуутэҥа (2-3 стр.).

Кийудьисчэ —  имдалдьисчэ страницапэҕа ах wааwэчэн тадаат КМНС аруупэн пойуодьэ мөрдьэпэ льэл. Албэлэл Кулумаҕа Андрюшкиноҕа миринь Семен Курилов кирийэн этнографическэй музейҕа йаангуниль сукунпэ льэл, хуодэҥ туҥ музей wиэл тадаат хуодэбандьэ идьиэ музей моойчэ Алиса Черникова ньиэдьил.

Полиметаллическэй холдинг “Селигдар” ньиэдьуол ньаҕа чаҕадьэл Алданскэй райуон Беллетскэй мэдьуонь эвенкийскэй наслегньэҥ чалдьэ лалwэрэйл, нэмэҥ амутнэҥ саҕанэй чииҕа льэтэл.

Маргарита Вырдылина “Йөҥчэ” тэн нэмэлэҥ, Албэлэл Кулумаҕат Андрюшкиноҕат уорпэн коллектив, йахтэньэй ураанубэ нимэн хореография тадаат фольклор ураричиичиэ? Пойуодьэ Ирина Курилова интервьюҕа чуҥнумк (8-9 стр.).

Мит газетаҕа тадаат порталҕа хуодэҥ таймырскэй истаадаҕат илэпэ талаwпэньэҥ кэwэйнуҥа ичуонуй. Танут куниль элльильисчэ страницапэҕа ичуонумк.

Туҥ уучил сукунмольҕал wаҕариил омопэн литератураҕа, духовностьҕа тадаат культураҕа анаан тороньэй…

Мөрдьэндьэ чии эwльикиэҥи, дитэ (НВК “Саха”) Геван – Эвенкийка Людмила Алексеева, эвенкийэскэй  нимэлэсиичэ тадаат Якутиян КМНС Ассоциациан wальҕандьэ wиэн чииҕат Николай Калитин, эвенкийка, нимэлэсиичэ, “Илкэн” элльильэ редактор Варвара Данилова, нимэлэсиичэ эрпэйэн регион лэмльэ Анатолий Платон-Ламутский. Туҥ список wадун омон Чама гөдэ, кичил гөдэ, нимэлэсиичэ, филолог, публицист, тудэ чаҕадьэл йаwнэй лэwэйнбурубэ мэ курильил.

Кингуниль имдалдьисчэ сукунмольҕалҕан тадаат Варвара Данилован чаҕадьэл «Вы помните… вы все, конечно, помните…»  М.К. Аммосов кирийэн СВФУҕат Юлия Хазанкович пөчэсэйм (12-13 стр.).

«Он искренне любил жизнь» таатбандьэ заголовокҕа лэйричил тадаат стихотворениепэ мит чама wальбэ Анатолий Степанов – Ламутскэй льэй (14-15 стр.).

Лайричилҕа харуду поньаануҥи…

“Илкэн” газета мэньтэмк тадаат чуҥтэмк. Сайтхан, Россия Почтаҕан тадаат хади почтовэй отделениеҕан, мит редакция Печать Нимэҕан подписка wиэт

Wаай мит порталҕа кэлуҥик тадаат мөрдьэпэ нимэлэсҥик

Валентин ХОТУ

Аудио мөндьиэк:

Аруунмөрийэ: Тоенто Мария