“Чумовой капитал” Ямалҕа тэн нэмэлэҥ?
Миринь, мит йохон парламентҕа йалмэсчэ хандьэмэ сербэдамунҕа правительственнэй час республиканскэй ууйиль “О кочевой семье” уучич. Таҥниги хануойил нимэньдиипэ сударственнэй чамбиилҕа ямальскэй “Чумовой капитал” антэйл. Тэн нэмэлэҥ мит идьиэ курульинуйли.
Округ моойчэ “Чумовой капитал” кин тысяча кингуниль эльилльэсчэ сукунмольҕалҕа сөкчим, нэмэ пойуодьэ хануойил нимэндьиипэҕа чамбиилҕа. Туҥ чамбиил йаан истуо кунильисчэ нимэндьиипэҕа нимэпэ тадиҥа. Идараҥҕа маархан истуо йаангуниль имдалдьисчэ нимэндьиипэҕа нимэпэ тадитэҥа.
Моннунҥи, нэмэ эльилльисчэ хандьэмэ йуодэwчэҕа кин тысяча кингуниль имдладьисчэ сукунмольҕалҕа “чумовой капитал” правилапэ wиэдэгурчиич: хануойил wаарачил нимэндьиипэ туҥ чамбиил көнмэгисчэ уо мэдьуолуолдэлэк эwри ханьин көнмэгисчэ мэдьуол уоги тадитэҥа, тан эл йалмасчэ лайаат, хуодэҥ тииданэ льэл.
«Хорошая мера поддержки и большая помощь для тундровиков. В комплекте есть все необходимое. У нас был только летний чум, теперь будет и зимний комплект», — поделилась впечатлениями Дарья Тэсида.
Фото: Роман Ищенко, «КП Ямал».
Ямалҕа сударственнэй тадаат местнэй быылас wаҕариил саҕанэй чииҕа пойуодьэ чамбиилпэ льэл имдальингуниль пойуодьэ. “Чумовой капитал” суодэдэ: киндьэ энмун пособия, ханьин илэн чуул ньиданнул, поҕодэ тадийуол, хануойилҕа йавwнэй товарпэ тадийуол, тадаат нэмэ амутнэҥ саҕанэй поҕодэ тадийуол тадаат көнмэгисчэ.
“Чумовой капитал” амутнэҥ. Тудэл Ямалҕа ах тадинуҥа. Wальҕарумкруодьэгуниль процентпэ местнэй предприятия, общинапэ чэкчийипэ тадаат предпринимательпэ титтэйлэк wиэнуҥа. Илwиичэпэҕа сукунпэ саҕанэй чии wаай wиэнуҥа, мэдьуонь чаҕадьэлпэ wарэчуорэнуҥа: саwапэ амалэрнуҥа, толиипэ, лалимэпэ wиэнуҥа. Ямалҕа маархан истуо йаан гуниль чэкчийипэ нимэпэ тадаат лалимэпэ wиэнуҥа.
Аят Сатаров
Аруунмөрийэ – Тоенто Мария
