Россиян эрпэйэпэн маалайлисчэ съездҕа культурэн тадаат мэдьуонь аруун идьиэнэ тадаат кэйгудэдэ йуөҥа

На VI сьезде эвенов России обсудили состояние и перспективы родного языка и культуры

Маалайлисчэ хандьэмэ сэрбэдамунҕа СО РАН гуманитарнэй исследованиепэн тадаат Чаwлааҕар алҕамлань омопэн иральадьэпэн Институтҕа «Эвенский язык и культура: состояние, проблемы и перспективы» солҕидьэ уучич. СВФУ чаwлааҕар филология кафедраги профессор тадаат филологическэй кичил кандидат Сардана Шадрина моойм.

Чаwлааҕар йаwнэй омопэҕа мэдьуонь аруун курильил ах саамэй наадэҥ. Солҕидьэҥ чии мони, нэмэ аруун эдьил мэ ньаарчэхаал. Сардана Ивановна солҕидьэ кичил докладлэк имдалдьал эрпэйэн регионпэҕа эрпэйэн аруун идьиэнэ йоҥотэйм. Таат: нэмэҥоллэҥ эл wиэчуон аруун эдьил мэ ньаарчэхаал.

Съезд чии амутнэҥ чаҕадьэлпэ йуөҥа, тадаат тэн алҕамлал. Аркадий Тарабукин Чукоткаҕат эрпэйэн арууҕа фильмпэ переводтануй. Семен Губичан Магаданскэй областьҕат стихотворениепэ тадаат йахтэпэ, переводпэ нимэлэснум. Магаданскэй театрҕа спектакльпэ хада тудэл йуораануй, “золотая маска” премиялэҥ мэньннунум. Якутиян омопэн йахтэн тадаат фольклор музей моойчэ Мария Корнилова хуодэҥ Чаwлааҕар омопэн аруупэҕа мультфильмпэ wиэнум. Илаан Попова-Кындыкан тудэ проектлэк ньиэдьил, туҥ проект Чаwлааҕар культурэн тадаат аруупэ пуругуруул.

Солҕидьэлҕа мэдьуонь аруулэк анньэҥи, көнмэльэпэ докладпэ эрпэйэн аруулэк мэ чуҥнуҥа, нэмэ эwиэл идьиэнэ арууҕа пулгэрэйтэйуол. Солҕидьэ ханьин йуоҕач wальэпэ тадиҥа. Чама wальэ – почетнэй знак «За особые заслуги перед эвенским народом» — Варвара Белолюбскаяҕа, Галина Слепцоваҕа тадаат Антонина Винокуроваҕа тадиҥа. Пойуодьэ чии почетнэй грамотапэ тадаат благодарственнэй письмапэ тадиҥа.

Аудио мөндьиэк

Проект резолюции круглого стола

Андрей Исаков.
Аруун мөрийэ: Тоенто Мария