Арктикэн Министерства чаwлааҕар уорпэпул wарэчуорэтэл
ИЛКЭН. Кин истуо-ҥидьиэ ураануй уорпэпул Якутияги куниль йаалуонь чаwлааҕар райуонпэҕат Краснодарскэй крайҕа оздоровительнэй лагерьпэҕа льэҥа. Федеральнэй тадаат региональнэй проект «Дети Арктики» чамбиил. Арктикэн министерства туҥ сукунмольҕалҕа пойуодьэ чаҕадьэй Уорпэн сукунмольҕал проектпэҕа, туҥ итогпэ чама солҕидьэлҕа йуөҥа.
«Арктическэй зона пуругуруул программа льэй, туҥ программа митҕа чаҕадьэл, тадаат идараҥҕа мит качествэн сукунмольҕал ҥодьэҥ. Таат йаwнэй мубуолпэ, хади мит программаҕа льэй, мит оорчил, йаwнэй Арктикэн саҕанэй чииҕа кэлутэл«, — Владимир Черноградский Арктикэн пуругуруул тадаат РС(Я) Чаwлааҕар омопэн чаҕадьэлпэ министр ньиэдьил.
Идараҥҕа министерство тудэ чаҕадьэтэл: Арктикэн уорпэпулҕа чамбиитэҥа, чаwлааҕар райуонпэн нимэпэ пуругуруутэҥа тадаат иницитивпэ wарэчуорэтэҥа, хади арктическэй лукулҕа Чаwлааҕар wаҕариил омопэҕа чамбиитэҥа.
Аудио мөндьиэк
Аруунмөрийэ Тоенто Мария
Фото: Минарктики
