Долганскэй идьирэльэ букварь пулгэрэйуол

Россиян Чаwлааҕар лаҥудэҥҕа культураҕа тадаат ураалҕа чама мубуол льэл: долганскэй аруун ньидьэрпэй букварь пулгэрэйуол, хади туҥ букварьҕа мэдьуонь аруун идьирэльэ метод льэй, Таймырскэй омоньэй творчество Нимэ мөрдьиим. Учебник нимэлэсиичэ – Анна Алексеевна Барболина.

Учебник киисэл ханьин мэдьуонь аруупэн Международнэй куниль сукун тадаат Таймыр wаҕариил алҕамлань Ассоциация йаангунил имдалдьань сукунмольҕал чайлэпэҕа уучич. Туҥ киисэлҕа образовательнэй тадаат культурнэй чаҕадэьй чии, таймырскэй райуон саҕанэй чии тадаат саҕанэй былаас моойчэпэ льэҥа. Титтэл амутнэҥ киисэл чии өндэриҥа.

Информационно-методическэй центр пулгэрэйл чаҕадьэл моойчэн заместитель С.Н. Жовницкая учебник тудууруу ньиэдьил, тан урааричичиэ А.В. Федина туҥ учебник ураануй уорпэҕа ураалҕа тадаат пуругуруулҕа саамэй наадэҥ мони.

Учебник пулгэрэйл долганскэй арууҕа амутнэҥ лайарэл тадаат пуругуруул, нэмэ йаwнэй чии мэдьуонь аруулэк тадаат культурэлэк малаҕиинуҥа, тан wаай ураал нимэпэ титтҕанэ wарэчуорэнуҥа.

Андо Соктоев
Аруунмөрийэ – Тоенто мария
Фото Таймырскэй омоньэй творчество Нимэ