Сукун-мубуол Колымское пэчуолэкҕа чамуолэринуҥа
Кингуниль эльилльэсчэ хандьэмэ йуодэwчэҕа Арктикэн пуругуруул тадаат Республикэн Саха (Якутия) Чаwлааҕар омопэн куриличилпэ Министерстваҕа чаҕадьэй солҕидьэ уучич. Туҥ солҕидьэҕа Албэлэл Кулума Колымское пэчуолэкҕа саҕанэй нимэпэн тадаат социальнэй нимэпэн өгэтэл куриличилпэ ичуойуолҥа.
Михаил Погодаев мөрдьиэй, нэмэ солҕидьэҕа ньиҥомийэ министерствапэҕат тадаат ведомствапэҕат чаҕадьэй чии, тан wаай райуонҕат тадаат пэчуолэкҕат моойчэпэ льэҥа. Чаҕадьэй чии пойуодьэ квартирнэй нимэн тадаат иҥэр саҕанэй нимэпэ чииҕа, хади лачилдаҕа куниль пускийисчэ хандьэмэ йуодэwчэҕа туҥ сукунмольҕалҕа ньумуолуҥи өгэтэл йуөҥа.
Нимэн өгэтэл общереспубликанскэй чаҕадьийил «Моя Якутия в 21 веке» программаҕан ичуойуол. Wаай ураанубэн нимэн-уорпэн нимэн өгэтэл куриличил ичуонунумлэ, маалайлукунгуниль/йалаклукунгуниль гөдэпэҕа, хади проектно-сметнэй документпэ wиэл наадэҥ.
Солҕидьэ чии мони, нэмэ Колымское пэчуолэк маархуодьэ лукул хада чупчэпэ саҕанэҥи, хади чупчэн илэпэ льэй. Туҥ пэчуолэк Йиэлгэр Восток, Сибирь тадаат Чаwлааҕар wаҕариил алҕамлань омопэн традиционнэй саҕанэл переченьҕа сэгул.
Михаил Погодаев мони, нэмэ Пэчуолэк Колымское өгэтэлпэ куриличил чаҕадьэнуҥа.
Аруунмөрийэ Тоенто Мария
Аудио мөндьиэк
