Якутиян илэн моойл нэмэлэҥ маатэл

ИЛКЭН. Туҥ сукунмольҕалҕа Минсельхоз планҕат мит регионҕа нимэн илэпэн йуопэ маалайлаклань, имдалдьин процентҕа– тысяча маархан истуо пускийингуниль имдалдьисчэ, маалайлаклань йуопэҕа пойумутэл мораw.

Илэн лэгулпэ кидьэҥҕа –тысяча кин истуоҕа сукунмольҕалҕа чамумутэл. Быылас кин тысяча кингуниль маалайлаклисчэ сукунмольҕалҕа маалайлань ханмитэйл цехпэ wиэтэҥа.

Наадэҥ куриличилпэ йуөтэл илэлльэбулпэ өгиэлпэҕа пандэтэл. Таатльэр йаwнэр лукулпэ (йуорпурэн суодэдэ) илwиичэпэҕа эл пандэнул. Туҥ лукулпэ саал тудурууҕа льэй, российскэй ууйиль wиэйолэл.

Наадэҥ йуөчии хуодэҥ лэwэймэҕа уорпэпул истаадаҕа тадаат нимэҕа элуойи, алҕамлал wарачиил илwиичэпэ, караальпэ тадаат нимэпэ пойуодьэ поҕодэ льэй, талаwпэ нимэн илэпэ кэwрэйнул, илэн моойл wальэ.

Лэйтэйтэсэй, нэмэ сукунмольҕал энмун илэн моойл пуругуруулҕа маархан миллиард поҕодэ тадийуол. Маархан истуо куниль йалаклисчэ илэн моойлҕа тысяча кин истуо йалаклукунгуниль имдалдьисчэ чии чаҕадьэнуҥа, тысяча куниль илwиичэпэ тадаат кин истуо йаангуниль имдалдьисчэ чумуойипэ.

Аудио мөндьиэк

Валентин Хоту

Аруунмөрийэ Тоенто Мария