Пугуонь хандьэмэ арктическэй райуонпэҕа лачиндьуо тадаат лэгул кэчиилпэҕа икиwиитэл
ИЛКЭН. Якутия лачиндьуо тадаат wиэн наадэҥ туулпэ эримэн йаwулҕан мэдьим – эл харуду йаwул, хади туҥ йаwул энуҕан көҥиэнуҥа. Тан сукун пугуодаҕа эримэн йаwул wарайнэҥ умусэйл мораw.
Республикэн моойчэ Айсен Николаев прямой эфирҕа мони, нэмэ туҥ мубуолдаҕат йиэлгэр тадаат арктическэй райуонпэҕа лачиндьуо пиирэм. Пойуодьэ саҕанэй чииҕа туҥ эримэн йаwул – маархуодьэ йаwул районнэй центрҕа, городпэҕа, хада лэгулпэ тадаат wиэн туулпэ ньиданнул мораw.
Регионҕа мотинэҥ чаҕадьэнаануҥа, нэмэ амдур туулпэ кэwрэй. Пугуонь сукунҕан тадаат чоҕунэй йархэҕан туулпэ энуҕа иклань кэwрэй. Нэмэ амутнэҥ тадаат амдур масынапэн чаҕадьэл уул пойуодьэ транспортпэ наадэҥ. Таҥ пойуодьэ поҕодэ льэтэл, таатльэр туулҕа wальэпэ чамумумуй.
Аудио мөндьиэк:
Ирина Курилова
Аруунмөрийэ Тоенто мария
