Оймяконскэй райуон Россиян Арктическэй зонаҕа чалэйл-будьэм

ИЛКЭН. «Якутскэй Арктика» общественнэй мэмдэл Моойчэ тадаат Ил Тумэн мэдьуонь депутат Елена Голомарева полярникпэн Ассоциация исполнительнэй моойчэҕа Алексей Минкинҕа эньдьилньэҥ антэйл, нэмэ Оймяконскэй райуон Арктическэй зонаҕа чалэйл.

Чаҕадьэй солҕидьэлҕа хандьэмэ йуодэwчэҕа Оймяконҕа, хади маалайлисчэ марафонҕа «Полюс холода» уучич, регион быылас лэмльэпэ, общественнэй чии тадаат экспертпэ маархан чуҥдэҕа кэлул, нэмэ райуонҕа арктическэй территорияҕа официальнэй статус тадил.

Голомарева мони, нэмэ туҥ райуон ньидьэрпэй федеральнэй льготапэ, субсидияпэ тадаат инвестицияпэ мэдьитэл, тан туризм, инфраструктура тадаат предпринимательства амдур пуругуруул. Таҥун суодэдэ туҥ Оймякон культурнэй тадаат природнэй чайиль лайарэтэл.

Нэмэ туҥ чуҥдэ чаҕадьэй федеральнэй органпэн былаасньэҥ наадэҥ чаҕадьэтэҥа, тадаат депутат Полярникпэн Ассоциацияҕа льириэм.

Гуманитарнэй исследование тадаат Чаwлааҕар алҕамлал омопэн иральадьэпэ Институт моойчэн заместитель Вячеслав Шадрин мони, нэмэ Арктическэй зона Россияҕа аруу пуругуруунуй тадаат танут чии антэйнуҥа. Тудэл мони, нэмэ wиэн регионпэ Магаданскэй область тадаат Ханты-Мансийскэй автономнэй округ wаай тудэльэ райуонпэ чалэйл-буньҥа, таатльэр туҥ ньаҕа нигэрэч пугочамустэл.

Идьиэ Арктическэй зонаҕа Республикэн Саха (Якутия) куниль йаалмэсчэ райуонпэ: Абыйскэй, Аллаиховскэй, Анабарскэй, Булунскэй, Верхнеколымскэй, Верхоянскэй, Жиганскэй, Момскэй, Нижнеколымскэй, Оленёкскэй, Среднеколымскэй, Усть-Янскэй, Эвено-Бытантайскэй сэwнуҥа.

Аудио мөндьиэк:

Аруунмөрийэ: Тоенто Мария