Мобильнэй амаладьаачэпэ чаwлааҕар райуонпэҕа чаҕадьэтэҥа

Мобильнэй амаладьаачэпэ хандьэмэ сэрбэдамунҕа Аллаиховскэй, Момскэй, Верхоянскэй тадаат Эвено-Бытантайскэй райуонпэҕа кэwэйтэҥа
мобильнэй амаладьаачэпэ туҥ сукунмольҕалҕат Якутия куниль эльилльисчэ райуонпэҕа льэҥа. Арктическэй суодэ титтэл Нюрбинскэй, Сунтарскэй, Верхневилюйскэй тадаат Нерюнгринскэй райуонпэҕа чаҕадьэҥа, хади кин тысяча саҕанэй чии йуодаҕа, Якутиян Минздрав мөрдьиинуҥа. Идьиэ амаладьаачэпэ Алданскэй райуон йиэлгэр пэчуолэкпэҕа, тан wаай уорпэн амаладьаачэпэ Чульман пэчуолэкҕа чаҕадьэнуҥа. Амаладьаачэпэ арктическэй райуонпэҕа: Среднеколымскэй, Оленекскэй, Эвено-Бытантайскэй тадаат Жиганскэй райуонпэҕа идьиэ льэнуҥа.

РС(Я) минздрав мони, нэмэ туҥ сукунмольҕалҕат амаладьаачэпэ йалаклал тысяча пускийин истуо wальҕарумкрисчэ саҕанэй чии йиэлгэр райуонпэҕа йуодаҕа. Титтэл Аллаиховскэй, Момскэй, Верхоянскэй тадаат Эвено-Бытантайскэй райуонпэҕа кэwэйтэҥа.

Лэйтэйсэй, нэмэ туҥ проект Якутиян моойчэ Айсен Николаев wиэл тадаат индикаторпэҕа почэсэйл.

Аруунмөрийэ Тоенто Мария