Якутиян саҕанэй чииҕанэ Чаwлааҕар омопэн аруупэҕа диктант нимэлэсул ньиэнуҥа

Кингуниль кунильисчэ хандьэмэ сэрбэдамунҕа Якутиян саҕанэй чии маалайлисчэ Всероссийскэй этнографическэй диктантҕа «Россия — дом народов» ньиэнуҥа, хади Йиэлгэр Восток, Сибирь тадаат Чаwлааҕар wаҕариил алҕамлань омопэн аруупэҕа льэтэл. Туҥ мэмдэл Международнэй мэдьуонь аруу чайлэдаҕа, хади кингуниль эльильиисчэ хандьэмэ сэрбэдамунҕа льэтэл.
Туҥ сукунмольҕалҕа диктант тема чамуонь лайниичэн пурэбэдьиил маалайлукунгуниль сукунмольҕалпэҕа ҥодьэҥ.
Этнодиктант Российскэй Федерация хади саҕанэй гөдэ ньиҥомиэйэ сукун, ураал, социальнэй статус, эwиэл тадаат гражданство нимэлэсутэм. Хуодэҥ мэдьуонь аруу курильил wаай ньиҥомиэйэ.
Нэмэ очнэй льэл маархан нимэҕа, хадаа диктант льэтэл кэлутэҥа. Якутскҕа Республика Саха (Якутия) Мэдьуонь библиотекаҕа льэтэл. Мэмдэл куниль йалаклань чаасҕа ҥолаай.
Этнодиктант цель – Россия омопэн пойуодьэ аруупэ палаҕарэйсэйуол.
Туҥ проект Россия омопэн Нимэ wиэл Йиэлгэр Восток, Сибирь тадаат Чаwлааҕар wаҕариил алҕамлань омопэн Ассоциация чамбиил.

Аруунмөрийэ Тоенто Мария